| e-texts navigator |
| Wylie |
109a1 དམར།། འདོད་ཆགས་མ་སྤངས་ཆོས་ཉིད་སྟོང་།། ཆགས་མེད་ཡེ་ཤེས་པདྨར་གསལ།། ཨེ་ལྡན་བྷ་ག་སྟོང་ཉིད་དེ།། བདག་ཉིད་བྱང་སེམས་དམར་པོ་བྱིན་སྙིང་པོའི་དབང་བསྐུར་རོ།། ས་མན་ཙརྱ་སུ
109a2 ར་ག་ཨ་བྷི་ཥིཉྩ་ཧཱུཾ་ཧཱུཾ། དཔའ་བརྟུལ་རྡོ་རྗེའི་རང་བཞིན་ལ།། ཐ་དད་གཉིས་སུ་མི་འཛིན་ཅིང་།། རྒྱན་དང་ཆ་ལུགས་འོད་ཟེར་འབར།། རང་གསལ་ཆོས་གསང་བ་ཤེས་རབ་དབང་ཉིད་མེ་ལོང་སྐུ།། གཟུང་དང་མེ
109a3 ལོང་ལ་ཁྲག་འཐུང་ཡབ་ཡུམ་དང་། རིགས་ལྔ་ཡབ་ཡུམ་བསྟན་རང་ལུས་ལ། འཛིན་པ་གཉིས་ལས་འདས།། འགྱུར་མེད་དབྱིངས་སུ་དབང་བསྐུར་རོ། ཨོཾ་ཨཱཿཧཱུཾ། ཀྲོ་ཏ་ས་ཡ་ནུ་ཡ་ཏ་དྷརྨ། ཞེས་རྫོགས་པ་རང་བྱུང
109a4 ཆེན་པོའི་རྒྱུད་ལས། རིག་པ་རང་གི་དབང་བསྟན་པའི་ལེའུ་སྟེ་བཅུ་དགུ་པའོ།། །། རྫོགས་སོ།། །། @#།། རྒྱ་གར་སྐད་དུ། ས་ཀ་ར་ཨ་བྷི་མུ་ཏྲ་ནཱ་མ། བོད་སྐད་དུ། བཀའ་རྟགས
109a5 ཕྱག་རྒྱའི་དབང་ཞེས་བྱ་བ། བཅོམ་ལྡན་འདས་རང་བྱུང་གི་སྒྲོན་མ་འབར་བ་ལ་ཕྱག་འཚལ་ལོ།། དེ་ནས་འདུས་པའི་ཚོགས་རྣམས་ཀྱི་ནང་ནས། གསང་བའི་བདག་པོ་ཉིད་ལངས་ནས། འདི་སྐད་ཅེས་གསོལ
109a6 ཏོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཁམས་གསུམ་སེམས་ཅན་ཐམས་ཅད་ནི།། གྲོལ་ཞིང་ཐར་པའི་སྐབས་མེད་ན།། འདི་ནས་ཚིག་ཆད། བཅོམ་ལྡན་མགོན་པོས་བཀའ་སྩོལ་ཅིག། དེ་ནས་རྡོ་རྗེ་འཆང་ཆེན
iiif viewer powered by OpenSeadragon
