| e-texts navigator |
| Wylie |
108a1 རྒྱ་གར་སྐད་དུ། ཨད་མ་ཨ་སུ་ཀ་ཨ་བྷི་ཥིཉྩན་མ། བོད་སྐད་དུ། རང་ལུས་ཞིང་ཁམས་ཀྱི་དབང་གསང་བ་ཞེས་བྱ་བ། བཅོམ་ལྡན་འདས་ལུང་ལས་གྲོལ་བ་ཉིད་ལ་ཕྱག་འཚལ་ལོ།། དེ་ནས་དུས་དེ
108a2 ཚེ་འཁོར་བསམ་གྱིས་མི་ཁྱབ་པའི་དབུས་ནས། རྡོ་རྗེ་སེམས་དཔའ་ཉིད་སེང་གེ་རྣམ་པར་འགྱིང་བའི་ཏིང་ངེ་འཛིན་ལ་སྙོམས་པར་ཞུགས་བཞིན་དུ། ཕྱག་ན་རྡོ་རྗེ་ལ་དབང་བསྐུར་ཏེ། འདི་སྐད་ཅེས་བསྒོའོ།། ཨེ་མ
108a3 གསང་བདག་རྡོ་རྗེ་འཛིན།། ཁམས་གསུམ་སེམས་ཅན་ཐམས་ཅད་ནི།། མ་སྨིན་མ་གྲོལ་ཐར་བར་དཀའ།། གཟུང་འཛིན་དྲི་མས་བཅིངས་པའི་ཕྱིར།། ཀུན་ཀྱང་ཐར་བར་དཀའ་བས་ན།། རང་ལུས་དཀྱིལ་འཁོར
108a4 རྫོགས་བྱེད་པའི།། དབང་གི་ལུང་བསྟན་ཁྱོད་ཀྱིས་ཟུང་།། དེ་ནས་རྡོ་རྗེ་འཛིན་པ་ཡིས།། བདེ་བའི་སྟན་ལས་ལངས་ནས་ནི།། དགའ་མགུ་ཡི་རང་ཐལ་མོ་སྦྱར།། གདུང་བའི་ཤུགས་བྱུང་རྩོལ་བསྐྱེད་ནས།། དགའ
108a5 བའི་མདངས་བསྐྱེད་འདོད་སྒོ་གསལ།། ཤེས་རབ་མཆོག་ཆེན་ཐོབ་ནས་ཀྱང་།། རྡོ་རྗེ་འཆང་ལ་དོན་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སེམས་ཅན་མ་སྨིན་སྨིན་བྱེད་པའི།། དབང་གི་ཐབས་ཆེན་གསུང་དུ
108a6 གསོལ།། དེ་ནས་རྡོ་རྗེ་འཆང་གིས་བཀའ་སྩལ་པ།། ཀྱེ་མ་ཉོན་ཅིག་རྡོ་རྗེ་འཛིན།། གསང་སྔགས་ཐབས་ལ་རབ་བརྟེན་ནས།། དབང་དང་རིམ་པ་རྫོགས་པར་བྱ།། རང་ལུས་དབང་དུ་ངོ་སྤྲད་ན།། ཤིན་ཏུ་དབེན་པའི
iiif viewer powered by OpenSeadragon
