| e-texts navigator |
| Wylie |
9b1 རྗེས་ཡང་གསུངས་པ།། ཀྲི་ཡའི་བལྟ་བ་ཆོས་ཉིད་སྟོང་བསྒོམ་ནས།། སྣང་བ་ཀུན་རྫོབ་ཆོ་འཕྲུལ་རིགས་གསུམ་ལྷ།། རྗེ་འབངས་རིམ་པ་བཞིན་དུ་དངོས་གྲུབ་རེ།། གཞི་ལ་གཅིག་པར་མ་རྟོགས་དོན་དང
9b2 འགལ།། གཉིས་ཀ་རྒྱུད་ཀྱིས་ལྟ་སྤྱོད་ཡ་འགལ་སྟེ།། གོང་འོག་གཟུང་འཛིན་ཐེག་པས་མ་ཟིན་པས།། རྩ་བ་གཅིག་ཏུ་མ་ཤེས་དོན་དང་བྲལ།། ལྟ་སྤྱོད་གོང་འོག་གཉིས་འདོད་རང་ཉིད་འཁྲུལ།། རྣལ་འབྱོར་ཡོགས
9b3 ཆོས་དབྱིངས་དཀྱིལ་འཁོར་དུ།། སྤུན་དང་གྲོགས་པོ་མཉམ་ཉིད་ལྷར་བསྒོམས་པས།། ལུས་ངག་རྩོལ་བ་ཡོད་ཕྱིར་གོལ་བ་སྟེ།། ཇི་ལྟར་ནན་གྱིས་བསྒོམས་ཀྱང་ཆོས་སྐུ་མིན།། དེ་ཡང་འདུས་པའི་རྡོ་རྗེ་སེམས་དཔའ
9b4 ཉོན།། ཆེད་དུ་བསྒྲུབས་དང་རྩོལ་བ་ཅི་སྤྱད་ཀྱང་།། བྱས་པ་དོན་མེད་སྡུག་བསྔལ་གྱི་ནར་འཁྱམས།། རྩོལ་སེམས་བྱས་པས་ཐམས་ཅད་དོན་མེད་འཁྲུལ།། བླ་མེད་བྱང་ཆུབ་ཆེན་པོའི་གེགས་སུ་ཆེ།། ཇི་སྲིད་དངོས་པོ
9b5 མཚན་མ་རགས་ཀྱི་བར།། དེ་བཞིན་ལྷ་ཡི་སྐུ་ཡང་ཤིན་དུ་རགས།། དེ་ཕྱིར་དངོས་པོ་མཚན་མ་མེད་ན་ནི།། ལྷ་ཡི་སྐུ་ཡང་གཞི་ལ་མེད་པའི་ཕྱིར།། བློ་དམན་དྲང་བའི་དོན་གྱི་གསང་སྔགས་ལ།། ངེས་དོན་སྙིང་པོ་དོན
9b6 གྱི་ལྟ་བ་མེད།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། རྩོལ་བ་ཕྲ་རགས་ཀྱི་གོལ་ས་བསྟན་པའི་ལེའུ་སྟེ་བཅུ་པའོ།། །། དེ་ཡང་རྡོ་རྗེ་སེམས་དཔའ་ལེགས་པར་ཉོན།། གཉིས་སུ་མེད
iiif viewer powered by OpenSeadragon
