| e-texts navigator |
| Wylie |
9a1 གོལ།། ཟེན་ཚོར་མིག་གི་ནམ་མཁའ་ཆུང་བ་ལ།། ཕྲ་རགས་འཐེན་ཟག་ནན་གྱིས་འཛུད་པ་བཞིན།། ཡུམ་ལ་སྤང་སྡུད་ཞེན་པ་བྱེད་པའི་ཕྱིར།། ཡུལ་སེམས་ཐ་དད་བདག་མེད་བློས་བཏགས་ནོར།། ད
9a2 ཡང་འདུས་པའི་འཁོར་གྱི་སྙིང་པོ་ཉོན།། མདོ་སྡེའི་ལྷ་སྒོམ་རྣམ་པ་གཉིས་གསུངས་པ།། སེམས་ཙམ་སྣང་བ་སེམས་སུ་བློས་སྡུད་བྱེད།། བདེན་གཉིས་བཟང་ངན་རིས་སུ་འབྱེད་པའི་ཕྱིར།། ཡང་དག་སེམས་སུ་འཛིན
9a3 པ་རགས་པར་གསུངས།། རྣམ་རིག་བླང་དོར་ཆེད་དུ་ཡང་དག་བྱེད།། ཡུལ་རྣམས་འཁྲུལ་པ་གཉེན་པོས་སྦྱངས་པར་འདོད།། དོན་དམ་འཁྲུལ་མེད་ཉམས་མྱོང་རང་གསལ་བ།། བླང་དོར་ཡོད་ཕྱིར་ངེས་པའི་དོན་དང
9a4 འགལ།། དེ་ཡང་འདུས་པའི་རྡོ་རྗེ་སེམས་དཔའ་ཉོན།། ཐེག་ཆེན་དབུ་མའི་ཀུན་རྫོབ་སྒྱུ་མའི་ཡུལ།། དོན་དམ་མཐའ་གཉིས་བྲལ་བའི་དམིགས་མེད་དེ།། ཞི་གནས་དང་ནི་ལྷག་མཐོང་ཟུང་འབྲེལ་བསྒོམ།། རྗེས་ཐོབ
9a5 མཉམ་བཞག་རིམ་གྱིས་ཡོད་ཕྱིར་གོལ།། ཡུལ་ལ་རྟོག་པ་ཞུགས་ནས་སེམས་ཀྱིས་གཞིག། ཡིད་ཀྱིས་དམིགས་པ་ཞུགས་ནས་འཛིན་པ་སྐྱེས།། དེ་ཕྱིར་མ་རྟོགས་བདུད་ཀྱི་སྤྱོད་ཡུལ་ཏེ།། ལམ་ལ་རིམ་པར་བགྲོད
9a6 པའི་གྲངས་བྱུང་ན།། ཆོས་སྐུ་ཡང་དག་དོན་དུ་ག་ལ་འགྱུར།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། ཕྱོགས་མཚམས་འཛིན་པའི་ལེའུ་སྟེ་དགུ་པའོ།། །། དེ་ནས་ཀུན་རིག་ཆོས
iiif viewer powered by OpenSeadragon
