| e-texts navigator |
| Wylie |
99b1 འཁོར་བ་ཐོག་མཐའ་གཅོད་པའི་རྒྱུད་ལས། གོལ་སྒྲིབ་འཁྲུལ་གསུམ་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་སྟོན་པ་ཀུན་བཟང་ལ།། རྡོ་རྗེ་སེམས་དཔས་འདི་སྐད་ཞུས།། གོལ་སྒྲིབ་ལ་བཟླ་ཇི
99b2 ལྟར་ལགས།། ཞེས་གསོལ་པ་དང་། སྟོན་པ་ཀུན་ཏུ་བཟང་པོ་དེ། རིན་པོ་ཆེའི་འོད་ཐིག་ལེར་བསྡུས་པའི་ཏིང་ངེ་འཛིན་ལ་བཞུགས་སོ།། བཞེངས་ནས་འཁོར་ལ་འདི་སྐད་གསུངས།། ཐེག་པའི་གོལ་སྒྲིབ་འཁྲུལ་པ
99b3 ངས་མང་བསྟན།། བརྗོད་ཀྱིས་མི་ལང་བསམ་གྱིས་མི་ཁྱབ་སྟེ།། ཡང་ན་རྒྱུད་ནས་ཞིབ་པར་གསུངས།། རང་རང་ནང་ན་རྒྱས་པར་བཞུགས།། སྠི་ཏི་ཡོ་གའི་གོལ་སྒྲིབ་འཁྲུལ་པ་ལ་བཟླ་བཤད།། རྡོ་རྗེ་སེམས་དཔས
99b4 གོ་བར་ཟུང་།། མ་རྟོགས་བློ་ལ་གོལ་སྒྲིབ་སྣང་མོད་ཀྱང་།། སྙིང་པོའི་དོན་རྟོགས་གོལ་སྒྲིབ་མེད།། མིང་མེད་མིང་བཏགས་གོལ་བ་ཡང་།། མིང་མེད་བརྗོད་ལས་འདས་པས་གོལ་བ་མེད།། གཟུང་འཛིན་གཉིས་ཀྱིས
99b5 བཅིངས་པའི་སྒྲིབ་པ་ཡང་།། དབྱེ་གསལ་རྩིས་གདབ་མེད་པས་སྒྲིབ་པ་མེད།། མཚོན་པ་རྣམ་རྟོག་བློ་ཡི་འཁྲུལ་པ་རྣམས།། སྨྲ་བསམ་བརྗོད་ལས་འདས་པས་འཁྲུལ་དུ་མེད།། གོལ་སྒྲིབ་བསམ་གྱིས་མི་ཁྱབ
99b6 ཀྱང་།། བསྡུས་པས་གོལ་སྒྲིབ་འཁྲུལ་གསུམ་སྟེ།། འཆར་བའི་སྒོ་ནོར་གོལ་ས་ཡང་།། ལྡོག་པའི་ཐབས་ཤེས་གོལ་དུ་མེད།། གནས་དོན་མ་ཤེས་སྒྲིབ་པ་ཡང་།། སྙིང་པོར་དོན་ཤར་སྒྲིབ་ཏུ་མེད།། ལྷོ་ལྔར་འཁྱམས
iiif viewer powered by OpenSeadragon
