| e-texts navigator |
| Wylie |
99a1 གིས་གོལ།། མྱང་འདས་མེད་པས་མྱང་འདས་མིང་ཡང་མེད།། མེད་པར་འདོད་པ་རང་གིས་གོལ།། མ་རིག་མེད་པས་མ་རིག་མིང་ཡང་མེད།། མེད་པར་འདོད་པ་རང་གིས་འཁྲུལ།། ཡེ་ཤེས་མེད་པས
99a2 ཡེ་ཤེས་མིང་ཡང་མེད།། མེད་པར་འདོད་པ་རང་གིས་འཁྲུལ།། རྣམ་རྟོག་མེད་པས་རྣམ་རྟོག་མིང་ཡང་མེད།། མེད་པར་འདོད་པ་རང་གིས་འཁྲུལ།། ཆོས་ཉིད་མེད་པས་ཆོས་ཉིད་མིང་ཡང་མེད།། མེད་པར་བསྒྲུབ
99a3 པར་འདོད་པ་དང་གིས་འཁྲུལ།། ཕྱོགས་རིས་མེད་པས་ཕྱོགས་རིས་མིང་ཡང་མེད།། མེད་པར་བསྒྲུབ་པར་འདོད་པ་རང་གིས་འཁྲུལ།། དེ་དག་ཐམས་ཅད་གཉིས་མེད་ལ།། གཉིས་སུ་བཟུང་བས་འཁྲུལ་པ
99a4 ཡིན།། དེ་དག་ཐམས་ཅད་དབྱེར་མེད་ལ།། དབྱེ་བ་བྱུང་བས་བསྒྲིབས་པ་ཡིན།། དེ་དག་ཐམས་ཅད་བརྗོད་མེད་ལ།། བརྗོད་པ་བྱུང་བས་བསྒྲིབས་པ་ཡིན།། དེ་དག་ཐམས་ཅད་མིང་མེད་ལ།། མིང་དུ་བཏགས་པས
99a5 འཁྲུལ་པ་ཡིན།། དེ་དག་ཐམས་ཅད་མཉམ་པ་ལ།། ཕྱོགས་སུ་བཟང་བས་འཁྲུལ་པ་ཡིན།། དེ་དག་ཐམས་ཅད་ཆགས་མེད་ལ།། ཆགས་ཞེན་བྱུང་བས་འཁྲུལ་པ་ཡིན།། གནས་དོན་མ་རྟོགས་སྒྲིབ་པ་ཡིན།། འགྲོ་སྒྲ
99a6 ནོར་བས་གོལ་ས་ཡིན།། སྒོ་ལྔར་འཁྱམས་པས་འཁྲུལ་པ་ཡིན།། གོལ་སྒྲིབ་གཉིས་སྟོང་ལྔ་བརྒྱ་ཡང་།། དབྱེ་ན་བསམ་གྱིས་མི་ཁྱབ་སྟེ།། བསྡུས་པས་གསུམ་པོ་དེ་རུ་འདུས།། སྣང་སྲིད་ཁ་སྦྱོར་བདུད་རྩི་བཅུད་ཐིགས།།
iiif viewer powered by OpenSeadragon
