| e-texts navigator |
| Wylie |
98b1 ཞོག། ཐམས་ཅད་གཅིག་ཏུ་དྲིལ་བའི་ངང་བཞག་རྣམ་གསུམ་འདི།། ཐོབ་ཏུ་མེད་པས་སྐུ་གསུམ་འདིས།། སྲིད་གསུམ་ཟིལ་གནོན་ས་གསུམ་རང་སར་ནོན།། དུག་གསུམ་རྩད་བཅད་ཁམས་གསུམ་ཕྱགས་མས
98b2 བཏབ།། ངོ་བོ་རང་བཞིན་ཐུགས་རྗེའི་སྣང་བའོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། མ་བཅོས་རྣལ་དུ་བཞག་པའི་ལེའུ་སྟེ་བཅུ་པའོ།། །། དེ་ནས་སེམས
98b3 ཉིད་ཀུན་བཟང་ལ།། རྡོ་རྗེ་སེམས་དཔས་འདི་སྐད་ཞུས།། སྙིང་པོ་འགྱུར་མེད་ཆོས་སྐུ་ལ།། མིང་མེད་མིང་བཏགས་ཇི་ལྟར་ལགས།། སེམས་ཉིད་སྟོན་པ་ཀུན་བཟང་དེ།། རིན་པོ་ཆེ་འོད་འབར་བའི་ཏིང་ངེ་འཛིན་ལ
98b4 ཞུགས་སོ།། དེ་ནས་བཞེངས་ནས་འདི་སྐད་གསུངས།། ཆོས་སྐུ་མིང་མེད་མཚོན་མེད་ལ།། མཚོན་པའི་མིང་གིས་གོལ་བར་བཤད།། གོལ་སྒྲིབ་མཚན་ཉིད་ངས་བཤད་ཀྱིས།། རྡོ་རྗེ་སེམས་དཔས་ཡིད་ལ
98b5 ཟུང་།། སངས་རྒྱས་མེད་པས་སངས་རྒྱས་མིང་ཡང་མེད།། མེད་པར་འདོད་པས་སངས་རྒྱས་གོལ།། ཆོས་སྐུ་མེད་པས་ཆོས་སྐུའི་མིང་ཡང་མེད།། མེད་པར་འདོད་པས་ཆོས་སྐུ་གོལ།། ལོངས་སྐུ་མེད་པས་ལོངས་སྐུའི
98b6 མིང་ཡང་མེད།། མེད་པར་འདོད་པས་ལོངས་སྐུ་གོལ།། སྦྲུལ་སྐུ་མེད་པས་སྦྲུལ་སྐུའི་མིང་ཡང་མེད།། མེད་པས་འདོད་པས་སྦྲུལ་སྐུ་གོལ།། འཁོར་བ་མེད་པས་འཁོར་བའི་མིང་ཡང་མེད།། མེད་པར་འདོད་པས་རང
iiif viewer powered by OpenSeadragon
