| e-texts navigator |
| Wylie |
96a1 ན། དེ་དག་ཐམས་ཅད་དགག་བསྒྲུབ་གཉིས་ཀྱི་ཆོས།། དེ་དག་སྤང་ལེན་གཉིས་ཀྱི་ཆོས།། དེ་དག་བལྟ་བྱ་བལྟ་བྱེད་གཉིས་ཀྱི་ཆོས།། དེ་དག་བསྒོམ་བྱ་བསྒོམས་བྱེད་གཉིས་ཀྱི་ཆོས།། དེ་དག་སྤྱད
96a2 བྱ་སྤྱོད་བྱེད་གཉིས་ཀྱི་ཆོས།། དེ་དག་བཙལ་བྱ་རྩོལ་བྱེད་ཆོས།། དེ་དག་བསྲུང་བྱ་སྲུང་བྱེད་གཉིས་ཀྱི་ཆོས།། ས་ལམ་བགྲོད་བྱའི་ཆོས་དང་འབྲས་བུ་ཐོབ་བྱའི་ཆོས།། དེ་དག་ཐམས་ཅད་བྱ་བཙལ་ནད་ཡིན་ནོ།། དེ
96a3 ལ་སྤྱད་པས་ནམས་ཀྱང་སངས་མི་རྒྱ།། གཉིས་སྣང་ཞེན་པ་མཆོད་པར།། ཕ་རོལ་ཕྱིན་པའི་སེམས་ཅན་ཉུང་།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། དགག་བསྒྲུབ
96a4 སྤང་ཐོབ་གཉིས་ཀྱིས་གྲོལ་བ་མེད་པར་བསྟན་པའི་ལེའུ་སྟེ་བརྒྱད་པའོ།། །། དེ་ནས་སེམས་ཉིད་ཀུན་བཟང་ལ།། རྡོ་རྗེ་སེམས་དཔས་འདི་སྐད་ཞུས།། མ་འཁྲུལ་ཁམས་གསུམ་འཁོར་བའི་སེམས་ཅན
96a5 རྣམས།། འགྱུར་མེད་ཆོས་སྐུ་འཐོབ་པའི་ཐབས།། དེ་ཡི་གདམས་ངག་གསུང་དུ་གསོལ།། ཞེས་གསོལ་པ་དང་།། སྟོན་པ་སེམས་ཉིད་ཀུན་བཟང་དེས།། རིན་པོ་ཆེ་རྩིས་གདབ་མེད་པའི་འོད་ནང་ན།། གསལ་བའི
96a6 ཏིང་འཛིན་ལ་བཞུགས་སོ།། དེ་ནས་བཞེངས་ནས་འདི་སྐད་གསུངས།། ཆོས་སྐུ་འགྱུར་མེད་ཐོབ་ཐབས་ལ།། རྩོལ་བསྒྲུབ་བགྱི་ཡང་མི་འཚལ་ལོ།། བྱ་བ་ཐམས་ཅད་བཏང་ལ་ནི།། ངང་ཉིད་རང་སར་བཞག་པར
iiif viewer powered by OpenSeadragon
