| e-texts navigator |
| Wylie |
95a1 བསལ་དང་མ་བསལ་མེད།། མཆོག་ཏུ་གསང་བའི་ཆོས་ཉིད་ནི།། རྣ་དབང་གཞན་ལས་ཟོས་མི་འགྱུར།། དེ་བཞིན་ལྕེ་ཡི་དབང་པོས་ཀྱང་།། དེ་ལ་བརྗོད་དུ་རྡུལ་ཙམ་མེད།། བརྗོད་པས་ཐོག་ཏུ་མི
95a2 ཕེབས་ཏེ།། བརྗོད་པ་ཐམས་ཅད་བླ་དྭགས་ཡིན།། བླ་དྭགས་ཚིག་གིས་སངས་མི་རྒྱ།། དེས་ན་བླ་དྭགས་ཚིག་ལས་འདས།། ཡེ་ནས་སྨྲ་བསམ་བརྗོད་ལས་འདས།། བརྗོད་འདས་རྟོགས་པས་འགྱུར་བ་མེད།། དྲན་པ
95a3 མེད་པས་ཡིད་ལ་གཞག་ཏུ་མེད།། བསམ་དུ་མེད་པས་བློ་ཡི་ཡུལ་ལས་འདས།། ཡེ་ནས་སངས་རྒྱས་མེད་པས་འདོད་པའི་བསྒྲུབ་བྱ་མེད།། སྐྱེ་མེད་འགྱུར་མེད་ཆོས་སྐུ་དེ།། ཡེ་ནས་ཡིན་པས་བསྒྲུབ་མི་དགོས།། ཆོས
95a4 སྐུ་ཡེ་ནས་འགྱུར་མེད་ལ།། སྐྱེ་མེད་སྙད་ཀྱི་སྒྲོས་མི་གདགས།། ནམ་མཁའ་འདི་ནི་མེད་དོ་ཞེས།། བླུན་པོ་གང་ཞིག་རྟོག་དཔྱོད་འཇུག། མཁས་པས་སྔོན་ནས་ཡོད་མི་འཛིན།། ཡེ་ནས་གཉིས་སུ་མེད་པ་ལ།། བདེན
95a5 པ་གཉིས་སུ་འབྱིན་པ་སུན་ཕྱུང་ཞིག། གཉིས་སུ་མེད་པའི་དོན་མཆོག་འདི།། ཀུན་བཟང་ང་ཡིས་སུན་དབྱུང་མ་བཏུབ་པོ།། དེ་བས་འཁོར་རྣམས་ཀུན་གྱིས་དེ་ལྟར་ཤེས་གྱིས་ཤིག། སྣང་སྲིད་ཁ་སྦྱོར་བདུད
95a6 རྩི་བཅུད་ཟིགས། འཁོར་བ་ཐོག་མཐའ་གཅོད་པའི་རྒྱུད་ལས། ཆོས་ཉིད་མཚོན་འདས་ཀྱི་ལེའུ་སྟེ་བདུན་པའོ།། །། དེ་ནས་སེམས་ཉིད་ཀུན་བཟང་ལ།། རྡོ་རྗེ་སེམས་དཔས་འདི་སྐད་གསོལ།། མཚོན་དུ་མེད
iiif viewer powered by OpenSeadragon
