| e-texts navigator |
| Wylie |
94b1 བྲལ་བའི་ཆོས་ཤིག་དགོས།། མིང་ཚིག་དབྱེ་བ་རྟག་ཆད་གསུམ།། བསམ་ལས་འདས་པ་མདོ་ཙམ་ཕྱེ།། བསྒྲུབ་པར་འདོད་པ་རྣམས་ལ་དེ་ཡིས་སུན་ཕྱུང་ཅིག། ཆོས་གཅིག་བྱ་བའི་མཚན་ཉིད་ནི།། ལ་ཆེན་བཟླ་བའི
94b2 གདམས་ངག་ཡིན།། དེ་ཡང་འདི་ལྟར་ཤེས་པར་བྱ།། ཆོས་གཅིག་བྱ་བའི་མིང་ཡང་མེད།། གཅིག་པོ་ཉིད་ཀྱང་གཅིག་ལས་འདས།། འདས་པའི་དོན་ལ་བརྗོད་དུ་མེད།། འདས་པའི་དོན་ལ་མཚོན་དུ་མེད།། འདས
94b3 པའི་དོན་ལ་བདེ་རུ་མེད།། འདས་པའི་དོན་ལ་གཟུང་དུ་མེད།། འདས་པའི་དོན་ལ་འདོད་དུ་མེད།། འདས་པའི་དོན་ལ་བྱ་རུ་མེད།། འདས་པའི་དོན་ལ་བཙལ་དུ་མེད།། འདས་པའི་དོན་ལ་དགག་ཏུ་མེད།། འདས
94b4 པའི་དོན་ལ་བསྒྲུབ་ཏུ་མེད།། འདས་པའི་དོན་ལ་བླང་བྱ་མེད།། འདས་པའི་དོན་ལ་དོར་བྱ་མེད།། འདས་པའི་དོན་ལ་སྤང་བྱ་མེད།། འདས་པའི་དོན་ལ་བསྒོམ་དུ་མེད།། འདས་པའི་དོན་ལ་སྤྱད་དུ་མེད།། འདས་པའི
94b5 དོན་ལ་བསྲུང་དུ་མེད།། འདས་པའི་དོན་ལ་བྱ་བཙལ་མེད།། འདས་པའི་དོན་ལ་བགྲོད་དུ་མེད།། འདས་པའི་དོན་ལ་ཐོབ་ཏུ་མེད།། མེད་པ་ཉིད་ཀྱང་དེ་ལས་འདས།། དེ་ལ་ཡིད་ལ་བྱ་རྒྱུ་མེད།། དེ་ལ་སེམས་ཀྱིས
94b6 གཟུང་དུ་མེད།། དེ་ལ་བློ་ཡིས་བཅོས་སུ་མེད།། དེ་ལ་འཕྲོས་དང་མ་འཕྲོས་མེད།། དེ་ལ་ཟིན་དང་མ་ཟིན་མེད།། དེ་ལ་བྱུང་དང་མ་བྱུང་མེད།། དེ་ལ་བཟང་དང་ངན་པ་མེད།། དེ་ལ་དབྱེ་དང་བསལ་དུ་མེད།། དེ་ལ
iiif viewer powered by OpenSeadragon
