| e-texts navigator |
| Wylie |
92a1 བསྐྱལ་ཏེ།། ཆོས་དང་སེམས་སུ་མ་འདྲེས་ལན།། དུག་གསུམ་རྩ་བ་མཆོད་ལན།། ཞེན་པ་རང་ལོག་མ་བྱུང་ལན།། དུག་ལྔ་རང་གྲོལ་མ་བྱུང་ལན།། ཆགས་སྡང་ལྔ་དང་མ་བྲལ་ལན།། གཏི་མུག་མུན་པ
92a2 མ་སངས་ལན།། ཡེ་ཤེས་ཉི་མ་མ་ཤར་ལན།། རང་གིས་རང་ཉིད་འཁོར་དུ་བཅུག། རང་གིས་རང་ཉིད་འཁྲུལ་དུ་བཅུག། ཅིས་ལན་ཅིས་ཕན་གཏན་ཚིགས་དེ་ལྟར་རོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས།།
92a3 འཁོར་བ་ཟོག་མཐའ་གཅོད་པའི་རྒྱུད་ལས། འཁྲུལ་པ་གཏན་ལ་ཕབ་པའི་ལེའུ་སྟེ་ལྔ་པའོ།། །། དེ་ནས་སེམས་ཉིད་ཀུན་བཟང་ལ།། རྡོ་རྗེ་སེམས་དཔས་འདི་སྐད་ཞུས།། ཆོས་སྐུ་རྟོགས་པར་བྱ
92a4 བའི་ཐབས།། བདག་ཅག་རྣམས་ལ་བསྟན་དུ་གསོལ།། སྟོན་པ་ཀུན་ཏུ་བཟང་པོ་དེ།། རིན་པོ་ཆེའི་འོད་ནང་དུ་ཞི་བའི་ཏིང་ངེ་འཛིན་ལ་བཞུགས་སོ།། དེ་ནས་བཞེངས་ནས་འཁོར་ལ་འདི་སྐད་གསུངས།། ཨཱ་པཾ་ཀ་རི
92a5 མ་ཧཱ་ཨཱ་ཏི་ཏ་ཨཱཿ། ཐེག་པའི་རྒྱལ་པོ་སྠི་ཏི་ཡོ་ག་འདི། ཐེག་པ་ཀུན་གྱི་སྤྱི་མེས་ཡིན་པར་གསུངས།། བཀའ་ཆེམས་མན་ངག་བསྟན་ལུགས་ཀྱིས།། སྐྱེ་མེད་ཚིག་མེད་མཚོན་མེད་བཏགས་མེད་ཡིན་པ་ལ།། ཨེ་མ
92a6 ཧོ།། དེ་ལྟར་མ་གོའི་སེམས་ཅན་རྣམས།། དངོས་པོ་མེད་པར་མཚོན་པར་འདོད།། འདི་ཡང་སེམས་ཅན་ཉོན་རེ་མོངས།། སྐྱེ་མེད་དོན་ལ་བརྗོད་པར་འདོད།། འདི་ཡང་སེམས་ཅན་ཉོན་རེ་མོངས།། ཡེ་མེད་དོན་ལ
iiif viewer powered by OpenSeadragon
