| e-texts navigator |
| Wylie |
91a1 ཆགས།། མ་ཡིས་འདོད་ཆགས་རྐྱེན་ལས་ནི།། ཁྲག་དང་ཆུ་སེར་ཉིད་དུ་ཆགས།། དུག་གསུམ་རྒྱུ་ཡིས་ལུས་ངག་ཡིད་གསུམ་བསྡུས།། འཁྲུལ་པ་ཡིས་ནི་འབྲས་བུ་ཡིན།། དངོས་པོ་རྐྱེན་སྣང་འདི་ལྟར
91a2 འཁྲུལ།། ཕ་རུ་སྣང་སྟེ་ཕ་རུ་བཟུང་།། ཕ་རུ་བརྟགས་ཏེ་ཕ་རུ་ཞེ་ན།། མ་རུ་སྣང་ཏེ་མ་རུ་བཟུང་།། མ་རུ་བརྟགས་ཏེ་མ་རུ་ཞེན།། བུ་རུ་སྣང་སྟེ་བུ་རུ་བཟུང་།། བུ་རུ་བརྟགས་ཏེ་བུ་རུ་ཞེ་ན།། ཡུལ་དུ་སྣང་སྟེ་ཡུལ
91a3 དུ་བཟུང་།། ཡུལ་དུ་བརྟགས་ཏེ་ཡུལ་དུ་ཞེ་ན།། འཁྲུལ་པ་ཐམས་ཅད་བརྟགས་སྣང་ཞེ་ན་གསུམ་མོ།། དང་པོ་རིག་པ་སྐྱེས་པས་ཡིད་ནི་འགྱུས།། སེམས་སུ་བསལ་བའི་མིང་དུ་བརྟགས།། མིང་ནི་དོན་མེད་ཚིག་ཡིན
91a4 ནོ།། ཚིག་ནི་བླ་དགས་བརྗོད་རྟོགས་ཚིག། ཀུན་ཏུ་འཚོལ་དང་གཏན་ལ་འབེབས།། ངེས་པར་བརྗོད་དང་འཁོར་ལོ་གསུམ་དུ་འཁྲུལ།། མཉམ་པ་ཆེན་པོའི་ཆོས་ཉིད་ལ།། ལོག་པར་བརྟགས་པའི་ཤེས་པ་སྣ་ཚོགས
91a5 ཀྱིས།། མི་མཉམ་པ་ཡི་ངོ་བོར་བཟུང་།། དེ་ཡིས་འཁྲུལ་པའི་འབྲས་བུ་བརྟས།། འཁྲུལ་དང་མ་འཁྲུལ་གཉིས་མེད་ལ།། ཞེན་རྟོག་མཚན་མ་བརྟས་པ་ཡིས།། མིན་པའི་ཆོས་ལ་ཡིན་པར་བཟུང་།། དེ་ཡིས་འཁྲུལ་པའི
91a6 འབྲས་བུར་སྨིན།། སྐྱེ་མེད་མཚོན་མེད་འགྱུར་མེད་ལ།། རྣམ་རྟོག་བློས་བརྟགས་ཤེས་པ་ཡིས།། སྐྱེ་རྒ་ན་འཆི་བདེ་བའི་ཆོས་སུ་བཟུང་།། དེ་ཡིས་འཁྲུལ་པའི་འབྲས་བུར་སྨིན།། གཉིས་མེད་ངང་ལ་གཉིས་སུ
iiif viewer powered by OpenSeadragon
