| e-texts navigator |
| Wylie |
90b1 གཞི།། ངོ་བོ་སྤྱིས་མཉམ་པར་གནས།། གཡོ་བའི་རླུང་ཡང་མཉམ་པར་གནས།། འཆར་བའི་ཟེར་ཡང་མཉམ་པར་གནས།། སྐྱེ་བའི་རིམ་པ་མཉམ་པར་གནས།། དཔེར་ན་མཚོ་ལ་དར་ཆགས་འདྲ།། འགྱུ་བའི་རླུང
90b2 དག་མཉམ་པ་ལ།། རང་ས་མ་ཟིན་གསུམ་གྱིས་ལན།། ཡར་རྒྱས་དོན་ལ་མི་རྟོགས་པས།། གཡོ་དང་འགྱུ་མི་འགྱུ་དང་ནི།། ཟེར་དང་འོད་དང་ཤེས་པ་དང་།། སང་ངེ་སིང་ངེ་རྟེན་མེད་དེ།། ཕྱོགས་མཚམས་ཀུན་ཏུ
90b3 འགྱུ་བའི་ས།། རྩལ་སྣང་བུ་ཡིས་ཤེས་པ་འཕྱོ་སར་ཁྱེར།། ཡིན་སྙམ་རིག་པ་ཆགས་སྡང་སྐྱེས།། ཆགས་ཞེན་སྐྱེས་པས་མིན་པར་འཁྲུལ།། གནས་དོན་མ་ཤེས་དོན་མ་རིག། དེ་ལ་མ་རིག་མུན་པར་གསུངས།། འགྱུ་བ
90b4 རླུང་གིས་རྒྱུ་བྱས་ནས།། སྒྲིབ་གཡོགས་མུན་པ་རྐྱེན་དུ་བྱུང་།། ཡེ་ཤེས་འཆར་སྒོ་མ་ཤར་བར།། མུན་པའི་འཁོར་སྒོ་རྐྱེན་དུ་བྱུང་།། མ་རིག་འཁྲུལ་སྒོར་འཁྱམས་པ་ཡི།། རིག་པས་ཀུན་དུ་འཚོལ་ཁྲོ་བྱས།། ཡིད་ནི
90b5 འགྲུ་བ་ཉིད་དང་བཅས།། སེམས་ནི་གསལ་ཆ་ལྔ་རུ་ཤར།། གསལ་དང་མི་གཡོའི་རྒྱ་མ་ཆད།། མི་འགྱུར་གཡོ་ཞིང་འགྱུ་བ་སྟེ།། སེམས་ནི་སྣང་ཚུལ་ལྔ་རུ་ཤར།། འོད་གཟུགས་རིག་གཟུགས་ཤ་གཟུགས་སོ།། རིག
90b6 པའི་གཟུགས་ལ་ཤ་གཟུགས་ཉིད་དུ་འཁྲུལ།། ཕ་ཡིན་མ་ཡིན་སྙམ་བྱེད་ཀྱི།། མངལ་གྱི་སྒོ་རུ་འཁྱམས་ནས་ནི།། ཤ་ཁྲག་པགས་པའི་གཟུགས་སུ་འཐུམ།། ཕ་ཡིས་ཞེ་སྡང་རྒྱུ་ལས་ནི།། ཤ་ཁྲག་རུས་པའི་ཚུལ་དུ
iiif viewer powered by OpenSeadragon
