| e-texts navigator |
| Wylie |
90a1 ཡིན།། བརྟགས་སྣང་ཀུན་ལས་གྲོལ་ཏེ་ངང་དངས་ཆེན་པོ་ཡིན།། རྟོག་ཚོགས་མཚན་མ་གྲོལ་ཏེ་ངང་དངས་ཆེན་པོ་ཡིན།། བརྗོད་གཞི་ཐམས་ཅད་དང་དངས་ཆེན་པོར་གྲོལ།། སངས་རྒྱས་ཆེ་བའི་ཡོན
90a2 ཏན་འདི་ལྟར་རོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། སངས་རྒྱས་སེམས་ཅན་གཉིས་ཀྱི་ས་མཚམས་དང་། སངས་རྒྱས་ཆེ་བའི་ཡོན་ཏན་དང་བཅས་པ་བསྟན
90a3 པའི་ལེའུ་སྟེ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། པུས་བཙུགས་ཐལ་སྦྱར་འདི་སྐད་གསོལ།། གཞི་ཉིད་མཉམ་པོར་གནས་པ་ན།། ཁམས་གསུམ་འཁོར་བ་ཅི་ཡིས་ཉེས།། འདུས་པའི་འཁོར་ལ
90a4 གསུང་དུ་གསོལ།། སྟོན་པ་ཀུན་ཏུ་བཟང་པོ་རིན་པོ་ཆེ་དབྱེ་བསལ་མེད་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་བཞེངས་ནས་འདི་སྐད་གསུངས།། ཨཱ་ཡི་བར་ནས་མ་བར།། ཨཱ་ལེ་ཨེ་མ།། ཀྱེ་མ་ཀྱེ་མ
90a5 ཧོ། ཡང་དག་དོན་ལས་གོལ་བ་རྣམས།། རྣམ་རྟོག་བདག་ཏུ་བཟུང་བ་ཡིས།། ནན་གྱིས་ནམ་མཁར་མདུད་པ་བྱས།། རང་མགོ་རང་གིས་རྐང་པས་མནན།། རང་གི་སྐེ་ལག་རང་གིས་བཅིངས།། རང་གི་རིན་ཆེན་རང
90a6 གིས་སྟོར།། རང་གི་སྒྲོན་མེ་རང་གིས་བསད།། རང་གི་ཉི་ཟླ་རང་གིས་བསྒྲུབས།། ཀྱེ་མ་བདག་ཏུ་འཛིན་པའི་སེམས་ཅན་ཉོན་རེ་མོངས།། མཉམ་པའི་དོན་ལ་ཕྱོགས་རིས་བྱུང་།། སངས་རྒྱས་སེམས་ཅན་གཉིས་ཀྱི
iiif viewer powered by OpenSeadragon
