| e-texts navigator |
| Wylie |
8b1 ལྡན་འདུས་པའི་ཚོགས་ལ་ཕན་གདགས་ཕྱིར།། ཀུན་རིག་ཆོས་ཀྱི་རྗེ་ལ་འདི་སྐད་གསོལ།། མྱང་འདས་འོག་མའི་བལྟ་སྒོམ་ཇི་ལྟར་དབྱེ།། ཐེག་པའི་བྱེ་བྲག་ས་ལམ་ཇི་ལྟར་སྦྱར།། ལྷུན་གྱིས་གྲུབ་པའི་འདོད་གཞུང
8b2 དབྱེ་བ་གང་།། མཉམ་པའི་རྒྱལ་པོས་ངེས་པར་བཤད་དུ་གསོལ།། དེ་སྐད་ཞུས་པས་དོན་གསན་འཁོར་རྣམས་ལ།། སྟོན་པས་ཐེག་པའི་དབྱེ་བ་བཀའ་སྩལ་པ།། མུ་སྟེགས་རྟག་ཆད་ལོག་ལྟ་འཛིན་པ
8b3 དང་།། ཉན་ཐོས་རང་རྒྱལ་མདོ་སྡེའི་མཚན་ཉིད་དང་།། ཕྱི་པ་ཀྲི་ཡ་ཨུ་པ་ཡོ་ག་དང་།། ནང་པ་མ་ཧཱ་ཨ་ནུ་ཡོ་ག་རྣམས།། དེ་ཡིས་དབྱེ་བ་ངས་བཤད་ལེགས་པར་ཉོན།། ཉན་ཐོས་གང་ཟག་བདག་མེད་བློས་བྱས
8b4 ནས།། ལམ་དུ་ཀུན་འབྱུང་བ་དང་སྡུག་བསྔལ་སྤང་།། ཕྱི་ནང་དབུགས་ལ་སེམས་གཏད་འགོག་པ་སྒོམ།། སྔོན་གྱི་མར་མེའི་བསྟན་པ་ལ་ཞུགས་ནས།། ཤཱཀྱ་ཐུབ་པའི་བསྟན་ལ་མཉམ་པར་བཞག། མ་འོངས
8b5 བྱམས་པར་སེམས་བསྐྱེད་དགྲ་བཅོམ་འདོད།། རེ་བ་ཡོད་ཕྱིར་ཆོས་ཉིད་གནས་ལུགས་འཁྲུལ།། དེ་ཡང་འདུས་པའི་རྡོ་རྗེ་སེམས་དཔའ་ཉོན།། རང་རྒྱལ་འདོད་པ་ཡུལ་རྣམས་ཕྱོགས་ཆས་སྟོང་།། སེམས་སུ་སྣང་བའི
8b6 ཆོས་རྣམས་མ་གཏོགས་པར།། ནེ་ཙོ་ཁྱུ་ལྡིང་བསེ་རུ་དཔུང་བཅས་ནས།། སྒོ་ལྔའི་ཡུལ་ནི་མི་འགེག་རྒྱུ་བ་འགེག། རྗེས་འབྲང་མེད་པར་སྟོང་པ་བློས་བཟུང་བསྒོམ།། ལུང་ལྡན་མན་ངག་མེད་ཕྱིར་རང་སེམས
iiif viewer powered by OpenSeadragon
