| e-texts navigator |
| Wylie |
8a1 ནས་དྲན་པ་བརླག་པར་འགྱུར།། འདི་ནི་སྣང་བ་ནུབ་ཁའི་དུས་ཡིན་ཏེ།། དེ་ཚེ་སྣང་བ་གཉིས་ནི་ཉམས་སུ་མྱོང་།། དང་པོ་སྣང་བ་སྨིག་རྒྱུ་དུ་བ་ལྟར།། བུན་ནེ་ལོང་ལོང་འཇིག་རྟེན་ཞིག་པར
8a2 མཐོང་།། དེ་ཚེ་འཕོས་མ་ཐག་ཏུ་སྣང་བ་མཆེད།། སྲིན་བུ་མེ་འཁྱེར་ལྟ་བུར་དྲབ་དྲིབ་ཙམ།། སྣང་བ་ཐོབ་པ་མར་མེའི་རྩེ་མོ་ལྟར།། ཤིན་ཏུ་བརྟག་དཀའ་རབ་རིབ་འབྱུང་བའི་ཚེ།། ཡེ་ཤེས་གཉུག་གིས་བྱུང་སྟེ་མ་རིག
8a3 བསྒྲིབས།། ད་ཡང་འདུས་པའི་རྡོ་རྗེ་སེམས་དཔའ་ཉོན།། དེ་ཚེ་བར་དོའི་འབྲེལ་བྱུང་བག་ཆགས་ཀྱིས།། སྔ་མའི་ལུས་དང་བཅས་ཡོད་སྙམ་པ་འབྱུང་།། བར་དོའི་སྣང་བ་འགྱུར་བ་ཡིད་ཀྱི་ལུས།། འཁོར་ལོས་བསྒྱུར
8a4 རྒྱལ་ཆ་ལུགས་རང་ཡིད་ཀྱིས།། དབང་པོ་ཀུན་ཚང་ཐོག་མེད་ཀུན་ཏུ་འགྲོ།། དེ་ནས་ཤེས་པའི་སྣང་བ་ཡང་འགྱུར་ཏེ།། ཕྱི་མ་གང་ལེན་ལུས་སུ་ཡོད་སྙམ་ནས།། རྩཝ་སྤྱིལ་ཁྱིམ་སོགས་བླ་གབ་གང་རུང་དུ།། རང་དབང
8a5 མེད་པར་ཤེས་པ་མངལ་དུ་འཇུག། ཞུགས་ནས་ཆགས་སྡང་སྐྱེས་ཏེ་ལུས་བླངས་པས།། སྐྱེ་རྒ་ན་འཆི་ཅན་གྱི་འཁོར་བར་འཁྱམས།། ཡང་ནས་ཡང་དུ་འཁོར་བར་སྡུག་བསྔལ་བསྐྱེད།། དེ་ཕྱིར་འཁོར་བའི་མཐའ་ལ
8a6 ཟད་པ་མེད།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། མ་རྟོགས་པ་བར་དོར་འཁོར་བར་འཁྱམས་པའི་ལེའུ་སྟེ་བརྒྱད་པའོ།། །། དེ་ནས་འཁོར་གྱི་སྙིང་པོ་ཡང་གསོལ་པ།། དད
iiif viewer powered by OpenSeadragon
