| e-texts navigator |
| Wylie |
88a1 ལུགས་བསྟན་པའི་ལེའུ་སྟེ་གསུམ་པའོ།། །། དེ་ནས་སྟོན་པའི་རྒྱལ་པོ་སེམས་ཉིད་ཀུན་བཟང་ལ། སྡུད་པའི་རྡོ་རྗེ་སེམས་དཔའ་ཡིས།། སངས་རྒྱས་སེམས་ཅན་གཉིས་ཀྱི་སོ་མཚམས་དང་།། ཡར
88a2 རྒྱས་མ་འཁྲུལ་གཉིས་ཀྱི་བྱེ་བྲག་རྣམས།། ཤིན་ཏུ་ཟབ་པར་གསུང་དུ་གསོལ།། ཞེས་གསོལ་པ་དང་། སྟོན་པའི་རྒྱལ་པོ་སེམས་ཉིད་ཀུན་བཟང་དེ། རིན་པོ་ཆེ་འོད་ཁ་སྦྱོར་དབྱེར་མེད་ཀྱི་ཏིང་ངེ་འཛིན་ལ་བཞུགས
88a3 སོ།། དེ་ནས་བཞེངས་ནས་འདི་སྐད་གསུངས།། ཁྱེད་ཀྱིས་དྲིས་པའི་དོན་རྣམས་བཤད།། འཁོར་རྣམས་མ་ཡེངས་ཡིད་ལ་ཟུང་།། སེམས་ཅན་སངས་རྒྱས་སོ་མཚམས་ནི།། རིག་དང་མ་རིག་སོ་མཚམས་དང་།། འགྱུ
88a4 དང་མི་འགྱུའི་སོ་མཚམས་དང་།། བརྟགས་དང་མ་བརྟགས་སོ་མཚམས་དང་།། ཟིན་དང་མ་ཟིན་སོ་མཚམས་དང་།། མཚོན་དང་མ་མཚོན་སོ་མཚམས་དང་།། རྟོགས་དང་མ་རྟོགས་སོ་མཚམས་དང་།། འགྱུར་དང་མི
88a5 གྱུར་སོ་མཚམས་དང་།། འཆར་སྒོ་འཁྲུལ་སྒོའི་སོ་མཚམས་དང་།། ལྡོག་བཅས་གཉིས་ཀྱི་སོ་མཚམས་སོ།། འདི་ནི་སངས་རྒྱས་སེམས་ཅན་གཉིས་ཀྱི་སོ་མཚམས་སོ།། ཡར་རྒྱས་མ་འཁྲུལ་གཉིས་ཀྱང་འདི་ལྟ
88a6 སྟེ།། སྔོན་ནས་གདོད་མ་ཉིད་ནས་གནས།། སྟོང་ཉིད་ཡབ་ཀྱི་ཚུལ་དུ་གནས།། ཡེ་ནས་མཚོན་པ་མེད་པ་དེ།། ཆོས་ཉིད་ཡུམ་གྱི་ཚུལ་དུ་གནས།། སྐྱེ་མེད་འབྱེད་མེད་སྲས་གཅིག་འཁྲུངས།། འབྱེད་མེད་གཏི་མུག
iiif viewer powered by OpenSeadragon
