| e-texts navigator |
| Wylie |
87a1 གྲོལ་བ་ཡིན།། ཐོག་མ་གཞི་ལ་དབྱེར་མེད་པས།། སངས་རྒྱས་སེམས་ཅན་མིང་ཡང་མེད།། བརྡ་དང་ཐ་སྙད་འདོགས་མཁན་མེད།། དཔེ་དང་དོན་དུ་སྟོན་མཁན་མེད།། ཚིག་དང་ཡི་གེར་འདོགས
87a2 མཁན་མེད།། བདེ་སྡུག་གཉིས་སུ་མྱོང་མཁན་མེད།། རྒྱུ་འབྲས་གཉིས་སུ་འདོགས་མཁན་མེད།། བདག་གཞན་གཉིས་སུ་འབྱེད་མཁན་མེད།། སངས་རྒྱས་སེམས་ཅན་གཉིས་མེད་གྲུབ་ཙ་ན།། ཅིར་ཡང་མ་ཡིན་ངོ
87a3 བོཔོར་གནས།། ཅི་ཡང་མི་སྣང་ངོ་བོར་གནས།། མཚོན་པ་བླ་དྭགས་ཚིག་ལས་གྲོལ།། བསམ་བརྗོད་བློ་ཡིས་ཡུལ་ལས་འདས་པ་ཡིན།། ཇི་ལྟ་བུས་ཀྱང་བརྗོད་མཚན་མཐའ་ལས་འདས།། དེ་ཕྱིར་གཞི་ལ་བྱེར་མེད
87a4 ཕྱིར།། བརྟགས་ཞེན་ཀུན་ལས་བྲལ་བར་གསུངས།། མཚོན་པའི་མཐའ་ལས་འདས་པར་གསུངས།། རྡོ་རྗེ་སེམས་དཔས་འདི་སྐད་གསོལ།། སྟོན་པ་སེམས་ཉིད་ཀུན་བཟང་ལ།། ཀུན་གཞིའི་གནས་ལུགས་ཇི་ལྟར
87a5 ལགས།། ཞེས་གསོལ་བ་དང་།། སྟོན་པས་འཁོར་ལ་བཀའ་སྩལ་པ།། བང་མཛོད་ཞིང་ས་དར་ཆགས་གསུམ།། གཞི་ཡི་དཔེ་རུ་ཤེས་པར་བྱ།། སངས་རྒྱས་སེམས་ཅན་གཞི་མོ་ཡང་།། འཁོར་བ་རུ་ཡང་རྒྱ
87a6 མ་ཆད།། མྱ་ངན་འདས་པར་རྒྱ་མ་ཆད།། གཉིས་མེད་དུ་ཡང་རྒྱ་མ་ཆད།། ཐ་དད་དུ་ཡང་རྒྱ་མ་ཆད།། ཡོད་མ་མྱོང་ལ་མེད་མ་མྱོང་།། སྟོང་མ་མྱོང་ལ་གསལ་མ་མྱོང་།། བདེ་མ་མྱོང་ལ་སྡུག་མ་མྱོང་།། སྣང་མ་མྱོང་ལ
iiif viewer powered by OpenSeadragon
