| e-texts navigator |
| Wylie |
84a1 ཏོ།། ང་ཡི་སྠི་ཏི་ཡོ་ག་འདི།། འདུས་པའི་འཁོར་ལ་བཤད་བགྱི་ཡིས།། འཁོར་རྣམས་མ་ཡེངས་གོ་བར་ཟུང་།། སྠི་ཏི་ཡོ་ག་བཤད་ལུགས་འདི།། ཐེག་པ་གཞན་ལས་འབྱུང་མི་འགྱུར།། མ་བྱུང་མི་འབྱུང
84a2 འབྱུང་མི་སྲིད།། བཀའ་ཆེན་བཤད་ལུགས་གསུམ་དུ་བཤད།། སྐྱེ་མེད་མཚན་མེད་བཤད་པ་དང་།། བླ་དགས་ཚིག་གིས་བཤད་ལུགས་དང་།། མཚོན་པའི་བརྡ་གྲོལ་བཤད་ལུགས་སོ།། ཐུན་མོངས་བཤད་ལུགས
84a3 རྣམ་གསུམ་ནི།། བྱིན་གྱིས་བརླབས་ཀྱིས་བཤད་པ་དང་།། རང་གི་ངོ་བོས་བཤད་པ་དང་།། སྡེབ་སྦྱོར་གྱིས་བཤད་ལུགས་དང་གསུམ་མོ།། སྠི་ཏིའི་བཤད་ལུགས་རྣམ་གསུམ་ནི།། སྐྱེ་མེད་ཆོས་སྐུའི་བཤད་ལུགས
84a4 དང་། འགག་མེད་ལོངས་སྐུའི་བཤད་ལུགས་དང་།། ཐུགས་རྗེ་སྦྲུལ་སྐུའི་བཤད་ལུགས་སོ།། ཕྱི་བས་སུམ་ཅུ་དགུ་ཡིན་ཏེ།། སྤྱི་སྡོམ་སུམ་ཅུར་ཤེས་པར་བྱ།། སྐྱེ་མེད་མཚོན་མེད་བཤད་ལུགས་ནི།། མཚོན་པའི་ཆོས
84a5 ཀྱིས་སངས་མི་རྒྱ།། མཚོན་དུ་མེད་པའི་ཆོས་གཅིག་དགོས།། བཤད་པའི་ཆོས་ཀྱིས་སངས་མི་རྒྱ།། མ་བཤད་གོ་བའི་ཆོས་གཅིག་དགོས།། བསྟན་དུ་ཡོད་པས་སངས་མི་རྒྱ།། མ་བསྟན་བསྟན་མེད་ཆོས་ཤིག།
84a6 དགོས།། བརྟགས་པའི་ཆོས་ཀྱིས་སངས་མི་རྒྱ།། བརྟགས་སྣང་གྲོལ་བའི་ཆོས་ཤིག་དགོས།། བློས་བརྟགས་ཆོས་ཀྱིས་སངས་མི་རྒྱ།། བློ་ལས་འདས་པའི་ཆོས་ཤིག་དགོས།། བྱས་པའི་ཆོས་ཀྱིས་སངས་མི་རྒྱ།། མ
iiif viewer powered by OpenSeadragon
