| e-texts navigator |
| Wylie |
83b1 དང་།། སངས་རྒྱས་སེམས་ཅན་གཉིས་ཀྱི་ས་མཚམས་དང་།། ཡང་རྒྱས་མར་འཁྲུལ་གཉིས་ཀྱི་བྱེ་བྲག་དང་།། ཅིས་ལེན་ཅིས་ཕན་གཉིས་ཀྱི་གཏན་ཚིགས་དང་།། དེ་ཉིད་རྟོགས་པར་བྱེད་པའི་ཐབས་རྣམས
83b2 དང་།། རྟོགས་ནས་འབྲས་བུ་ཐོབ་ལུགས་དང་།། མི་འགྱུར་གདེང་གིས་ཟིན་ལུགས་དང་། སྤྱི་ཏི་ཡོ་གའི་བསྟན་ལུགས་དང་།། གང་ཟག་རྗེས་འསྡུག་རྣམས་ཀྱིས་རྟོགས་པའི་ཐབས།། དེ་རྣམས་སྟོན་པས་བཀའ་སྩོལ
83b3 ཅིག། བདག་ཅག་ཉན་པའི་འཁོར་རྣམས་ལ།། ཤིན་ཏུ་ཟབ་པར་གསུང་དུ་གསོལ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། གླེང་གཞིའི་ལེའུ་སྟེ་དང་པའོ།། །
83b4 ཨ[]།། དེ་ནས་འཁོར་ནང་ནས་རྡོ་རྗེ་སེམས་དཔའ་སྟན་ལས་ལངས་ནས། པུས་བཙུགས་ཐལ་སྦྱར་འདི་སྐད་གསོལ།། བཀའ་ཆེན་བཤད་ལུགས་ཅི་ལྟར་ལགས།། སེམས་ཉིད་ཀུན་བཟང་གསུང་དུ
83b5 གསོལ།། ཞེས་གསོལ་པ་དང་། སྟོན་པའི་རྒྱལ་པོ་སེམས་ཉིད་ཀུན་བཟང་གིས།། འདུས་པའི་ཚོགས་ལ་བསྟན་པའི་ཕྱིར།། རིན་ཆེན་འོད་འབར་གཞལ་ཡས་ཁང་།། དབྱིངས་ཆེན་ཆོས་ཉིད་སྟོང་ར་རུ། ཆོས་ཐམས
83b6 ཅད་དབྱེ་བ་མེད་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་འདུས་པའི་ཚོགས་རྣམས་དྲུང་ན་འཁོད་པར་གཟིགས་ནས།། ཏིང་ངེ་འཛིན་ལས་བཞེངས་ནས། འདི་སྐད་ཅེས་འཁོར་རྣམས་ལ་བཀའ་གླལ
iiif viewer powered by OpenSeadragon
