| e-texts navigator |
| Wylie |
83a1 རྟགས་ཞེན་གྱི་འཁོར་རོ།། ཡེ་ནས་གནས་པའི་འཁོར་ཡང་འདི་ལྟ་ཏེ།། ས་དང་ཆུ་དང་མེ་དང་རླུང་དང་ནམ་མཁའོ།། དུས་གསུམ་གྱི་འཁོར་ཡང་འདི་ལྟ་སྟེ། འདས་པའི་སངས་རྒྱས་དང་། མ
83a2 འོངས་པའི་སངས་རྒྱས་དང་། ད་ལྟར་གྱི་སངས་རྒྱས་སོ།། གཞན་ཡང་འཁོར་གྱི་ཚོགས་འདི་ལྟ་སྟེ། རྗེས་ཀྱི་རྣལ་འབྱོར་དང་། ཤིན་ཏུ་རྣལ་འབྱོར་དང་། རྣལ་འབྱོར་ཆེན་པོའོ།། ཉིད་ཀྱི་རང་བཞིན་གྱི་དཀྱིལ་འཁོར
83a3 དང་། རང་བཞིན་གྱི་ལྟ་བའི་འཁོར་དང་། རང་བཞིན་གྱི་རྟོགས་པའི་འཁོར་རོ།། དེ་རྣམས་འཁོར་ཕུན་སུམ་ཚོགས་པའོ།། བསྟན་པའི་དོན་ཡང་འདི་ལྟ་སྟེ། ཡེ་ནས་མཚོན་དུ་མེད་པའི་བསྟན་པ་དང་། དེ་ལ་མཚོན
83a4 པའི་ཆོས་ཀྱི་སངས་མི་རྒྱ་བའི་བསྟན་པ་དང་། མཚན་མ་དང་མཚོན་བྱེད་གཉིས་མེད་དེ་ཚིག་དང་ཡི་གེའི་མིང་བཏགས་ལས་གྲོལ་བའི་བསྟན་པའོ།། དེ་ནི་བསྟན་པ་ཕུན་སུམ་ཚོགས་པའོ།། དུས་བསྟན་པ་ཡང་འདི
83a5 ལྟར་ཏེ། འདས་པའི་རྗེས་མི་བཅད། མ་འོངས་པའི་བདུན་མི་བསུ། ད་ལྷའི་རྐྱེན་ཁར་མ་ཤོར་ཏེ། དུས་གསུམ་དབྱེར་མེད་ཀྱི་དུས་སོ།། སྔོན་བྱུང་རྗེས་འཇུག་གདུང་སོབ་གསུམ་སྟེ། དུས་ཕུན་སུམ་ཚོགས་པའོ།།
83a6 ནས་འཁོར་ཚོགས་དེའི་ནང་ནས་རྡོ་རྗེ་སེམས་དཔས་འདི་སྐད་ཞུས། ཀྱེ་ཀྱེ་ཀྱེ། སྟོན་པའི་རྒྱལ་པོ་སེམས་ཉིད་ཀུན་བཟང་ལགས།། ཕུན་སུམ་ཚོགས་པའི་དོན་ནི་དེ་ལྟ་ན།། ཐོག་མ་གཞི་ཡི་གནས་ལུགས
iiif viewer powered by OpenSeadragon
