| e-texts navigator |
| Wylie |
81a1 ལ།། འབྲས་བུ་རྐྱེན་ཐུབ་བསྟན་པ་ནི།། ཕྱི་དང་ནང་དང་གསང་བ་གསུམ།། དེ་ལ་ཕྱི་ཡི་རྐྱེན་ཐུབ་བསྟན་པ་ནི།། ཕྱི་ཡི་འབྲས་བུ་འབྱུང་བ་ལྔ།། རང་སྣང་ལོངས་སྐུ་རྒྱུན་ཆད་མེད།། ལྷ་མོ་ལྔ་ལ་སྒྲ
81a2 མེད།། ཕྱི་ཡི་འབྲས་བུ་རྐྱེན་ཐུབ་ཡིན།། ནང་གི་འབྲས་བུ་ཕུང་པོ་ལྔ།། དབྱེར་མེད་ཆོས་སྐུ་རྒྱུན་ཆད་མེད།། ཡེ་ཤེས་ལྔ་ལ་སྐྱེ་ཤི་མེད།། ནང་གི་འབྲས་བུ་རྐྱེན་ཐུབ་ཡིན།། གསང་བའི་འབྲས་བུ་ཆགས་སྡང་ལྔ།། རང
81a3 བྱུང་ཡེ་ཤེས་རང་རིག་དང་།། ལྷག་མཐོང་ཉིད་དང་ཐམས་ཅད་མཁྱེན།། ཡེ་ཤེས་ལྔ་ལ་རྒྱུན་ཆད་མེད།། དེ་ནི་གསང་བའི་འབྲས་བུ་ཡིན།། ཡང་གསང་འབྲས་བུ་རྩ་ལྔ་ལ།། རླུང་དང་ཐིག་ལེ་རྩ་དང་ནི།། ལྷན
81a4 ཅིག་སྐྱེས་པའི་ཡེ་ཤེས་དང་།། ཐིག་ལེ་ཆོས་ཉིད་འདུ་འབྲལ་མེད།། འདུ་འབྲལ་འབྲས་བུའི་རྐྱེན་ཐུབ་ཡིན།། འདུ་འབྲལ་མེད་པ་འབྲས་བུའི་མཆོག། རྒྱུན་ཆད་མེད་པས་རྐྱེན་ཐུབ་ཡིན།། བར་ཆད་མེད་ན་འབྲས་བུའི
81a5 རྒྱལ་པོ་ཡིན།། ཕྱིར་མི་ལྡོག་ན་འབྲས་བུའི་ངེས་ཤེས་ཡིན།། ཞེས་གསུངས་སོ།། ཏིང་ངེ་འཛིན་རྩེ་གཅིག་གི་རྒྱུད་ལས། འབྲས་བུ་རྐྱེན་ཐུབ་ཀྱི་ལེའུ་སྟེ་བཅུ་པའོ།། །། དེ་ནས་ཀུན་ཏུ་བཟང་པོ་ཡིས།། བག་ཆགས
81a6 རྐྱེན་ཐུབ་བསྟན་པ་ནི།། བག་ཆགས་རྣམ་པ་གསུམ་ཡིན་ཏེ།། ཐོག་མའི་འོད་ཀྱི་བག་ཆགས་དང་།། བར་དུ་ལུས་ཀྱི་བག་ཆགས་དང་།། ཐ་མ་འཁྲུལ་པའི་གནས་སྐབས་བག་ཆགས་གསུམ།། ཐོག་མ་འོད་ཀྱི་བག
iiif viewer powered by OpenSeadragon
