| e-texts navigator |
| Wylie |
80b1 ཆོས་མིན་ཏེ།། གསང་བའི་ཡེ་ཤེས་རྐྱེན་ཐུབ་ཡིན།། བར་ཆད་མེད་པས་རྐུན་མི་ཆད།། བྱེད་པས་མ་བྱས་འདུས་བྱས་མིན།། ཡེ་ཤེས་ཆད་མེད་རྐྱེན་ཐུབ་བོ།། རྐྱེན་མེད་ཡེ་ཤེས་རང་སྣང་གཅེས།། ཞེས་གསུངས
80b2 སོ།། ཏིང་ངེ་འཛིན་རྩེ་གཅིག་གི་རྒྱུད་ལས། ཡེ་ཤེས་རྐྱེན་ཐུབ་ཀྱི་ལེའུ་སྟེ་བརྒྱད་པའོ།། །། བཅོམ་ལྡན་ཀུན་ཏུ་བཟང་པོ་ཡིས།། མཁའ་འགྲོ་མ་ཡི་ཚོགས་རྣམས་ལ།། ངེས་ཤེས་རྐྱེན་ཐུབ་བསྟན་པ་ནི།། གཞི་ངེས
80b3 སངས་རྒྱས་གཞི་རུ་ཤེས།། ལམ་ངེས་གཞི་ཤེས་ཆོས་ཀྱི་མཆོག། འབྲས་བུ་གཞི་འདས་ངོ་ཤེས་ཕྱིར་མི་ལྡོག། རྒྱུ་མེད་རང་ཤར་ངེས་ཤེས་རང་བྱུང་བ།། ལྟ་བ་རང་བལྟ་སྣང་སྲིད་ངེས་ཤེས་བརྟས།། བསྒོམ་པ་རང་ཤར
80b4 ངེས་ཤེས་ཕྱོགས་རིས་མེད།། སྤྱོད་པ་ངེས་ཤེས་རང་བྱུང་རྒྱུ་རྐྱེན་མེད།། འབྲས་བུ་ངེས་ཤེས་མི་ལྡོག་རང་ས་ནོན།། སྐྱེད་མེད་ངེས་ཤེས་སྣང་སྲིད་རང་བྱུང་བས།། རང་བྱུང་ཡེ་ཤེས་རང་ལ་ཤར།། མ་རིག་རང་བྱུང
80b5 གཟུང་འཛིན་ཁོ་ནར་འཆར།། གཞི་རུས་ངེས་ཤེས་གཉིས་མེད་ཟང་ཐལ་ཡིན།། ལམ་དུ་ངེས་ཤེས་གཟུང་འཛིན་ལམ་དུ་སློངས།། འབྲས་བུ་ངེས་ཤེས་གཟུང་འཛིན་ཡེ་ཤེས་གྲོལ།། ཡེ་ཤེས་རྐྱེན་ཐུབ་གཟུང་འཛིན་ཀ
80b6 ནས་དག། ཅེས་གསུངས་སོ།། ཏིང་ངེ་འཛིན་རྩེ་གཅིག་གི་རྒུད་ལས། ངེས་ཤེས་རྐྱེན་ཐུབ་ཀྱི་ལེའུ་སྟེ་དགུ་པའོ།། ། བཅོམ་ལྡན་ཀུན་ཏུ་བཟང་པོ་ཡིས།། རྡོ་རྗེ་མཁའ་འགྲོ་འཁོར་བཅས
iiif viewer powered by OpenSeadragon
