| e-texts navigator |
| Wylie |
80a1 རྐྱེན་ཐུབ་དང་བར་དོ་སྦྱར་བ་རྐྱེན་ཐུབ་ཀྱི་ལེའུ་སྟེ་བདུན་པའོ།། །། བཅོམ་ལྡན་ཀུན་ཏུ་བཟང་པོ་ཡིས།། རྡོ་རྗེ་མཁའ་འགྲོ་འཁོར་བཅས་ལ།། ཡེ་ཤེས་རྐྱེན་ཐུབ་བསྟན་པ་ནི།། ཡེ་ཤེས་པ
80a2 ཤེས་ཁྱད་པར་ཆེ།། ཡེ་ཤེས་ཟང་ཐལ་རྐྱེན་མེད་དེ།། འབྱུང་བ་ལྔ་པོ་ཡེ་ཤེས་ལྔ།། ཆགས་སྡང་མེད་པས་ཡེ་ཤེས་འཇིག། གནས་དང་སྟོང་པའི་རྐྱེན་ཐུབ་ཡིན།། ཕུང་པོ་སྒོ་ལྔ་ཡེ་ཤེས་ལྔ།། རང་བྱུང་ཡེ་ཤེས་ཁོ་ན
80a3 ལ།། སྐྱེ་རྒ་ན་འཆི་བཞི་པོ་ལ།། རྐྱེན་ཐུབ་པར་དོར་གདོད་ནས་དག། དུག་ལྔ་ཡེ་ཤེས་ལྔ་རུ་སྣང་།། རང་སྣང་ཡེ་ཤེས་འཕེལ་འགྲིབ་མེད།། ཆགས་སྡང་རྐྱེན་ཐུབ་རང་སྣང་གསལ།། རང་བྱུང་རྩ་ལྔ་ཡེ་ཤེས་ལྔ།། ཁ
80a4 དོག་ལྔ་ལས་གྲུབ་པའི་རྩ།། དབུས་མཐིང་གཡས་དཀར་གཡོན་དམར་བ།། མདུན་དང་རྒྱབ་ནི་སེར་དང་ལྡང་།། སྐུད་པ་ལྔ་ཡང་ཡེ་ཤེས་ལྔ།། གསལ་བྱེད་སྤྱན་ལྔས་རབ་ཏུ་མཛེས།། ཤེལ་གྱི་སྦུ་གུ་ཞེས་ཀྱང
80a5 བྱ།། ལོངས་སྐུ་འོད་གསལ་ཞེས་ཀྱང་བྱ།། ཚངས་པའི་སྐུད་པ་ཞེས་ཀྱང་བྱ།། ཡེ་ཤེས་རྒྱུ་སྲང་ཞེས་ཀྱང་བྱ།། གསང་བའི་ལམ་ཆེན་འདི་ཡིན་ནོ།། དེ་ཡི་ནང་ན་འདས་པ་ལྔ།། མུ་ཏིག་དཀར་པོ་དྲི་མ་མེད།། རཱ་ག
80a6 དམར་པོ་ཤིན་ཏུ་དངས།། གསེར་འདྲ་སེར་པོ་ཡོན་ཏན་རྒྱས།། བཻ་ཌཱུར་མཐིང་ག་འགྱུར་མེད་སྟོན།། ནཱི་ལ་ལྗང་གུ་རབ་ཏུ་འཕྲོ།། ཚངས་པའི་སྐུད་པའི་ནང་ན་གསལ།། རིན་ཆེན་སྣ་ལྔ་ལས་གྲུབ་པའི།། ཡེ་ཤེས་ཁོ་ན
iiif viewer powered by OpenSeadragon
