| e-texts navigator |
| Wylie |
7b1 ཅིག། དེ་དག་ཀུན་གཞི་རྣམ་གསུམ་བསྟན་པ་ཡང་།། ནང་གི་ཀུན་བརྟགས་སེམས་ཀྱི་ཀུན་གཞི་བསྟན།། ཕྱི་ཡི་ཀུན་བརྟགས་བག་ཆགས་ཀུན་གཞི་བྱུང་།། ཟུང་དུ་འཛོམ་པས་ལུས་ཀྱི་ཀུན་གཞིར་འགྲུབ།། རྫོགས་པ
7b2 ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། ཉོན་མོངས་ལུས་ཀྱི་ཀུན་གཞི་བསྟན་པའི་ལེའུ་སྟེ་བདུན་པའོ།། །། ད་ཡང་འདུས་པའི་འཁོར་རྣམས་ཡང་ཉོན་ཅིག། ལུང་ལྡན་ངེས་པའི་གདམས
7b3 ངག་མེད་པའི་མི།། སྐྱེ་བོ་སྔགས་པ་བཙུན་པ་གང་ཡང་རུང་།། ཀུན་གཞི་རྣམ་གསུམ་བག་ཆགས་མཐུ་བརྟས་པས།། དགེ་བའི་ཆོས་སྤྱོད་ལས་རྣམས་ཅི་སྤྱད་ཀྱང་།། དོན་མེད་ཁམས་གསུམ་འཁོར་བར་འཁྱམས་པའི
7b4 སྐྱོན།། དེ་དོན་བཤད་ཅིང་ངེས་པར་འགྲོལ་གྱིས་ཉོན།། སེམས་ཅན་འཆི་ལྟས་རིམ་པར་འབྱུང་བ་ནི།། དང་པོ་འབྱུང་བ་ས་ནི་ཆུ་ལ་ཐིམ།། དེ་རྟགས་ཕུང་པོ་གཟུགས་ནི་མི་ཐེག་ལྕི།། ལུས་ཀྱི་བཀྲག་མདངས་ཉམས
7b5 ཕྱིར་ཁ་དོག་ལོག། དེ་ནས་ཆུ་ནི་མེ་ལ་ཐིམ་གྱུར་ཏེ།། ཁ་སྐམས་མཆུ་དང་ལྕེ་ནི་རྭ་བཞིན་འགྱུར།། ཉམ་ཆུང་སྨྲ་བ་མི་ནུས་ཁར་མི་ཐོན།། དེ་ནས་མེ་ནི་རླུང་ལ་ཐིམ་འགྱུར་ཏེ།། ལུས་ཀྱིས་དྲོད་ཤོར་ཤིན་ཏུ་གྲང་བ
7b6 འབྱུང་།། དེ་ཚེ་ཤི་འདྲད་གདོན་ཅིང་མིག་རྩ་ཟློག། དེ་ནས་རླུང་བཞི་རྣམ་ཤེས་ཐིམ་འགྱུར་ཏེ།། དབུགས་ནི་བརྩེགས་མ་ཟུམ་ཐུམ་བྱེད་པ་འབྱུང་།། དེ་ཚེ་ཆགས་སྡང་མི་མནོ་དགུ་གཅིག་བསམ།། གནད་གཅོད་དྲགས
iiif viewer powered by OpenSeadragon
