| e-texts navigator |
| Wylie |
7a1 པའོ།། །། དེ་ནས་འདུས་པའི་འཁོར་ལ་བཀའ་སྩལ་པ།། ལུས་ཀྱི་ཀུན་གཞི་དབྱེ་བའི་དོན་བསྟན་པ།། ལུས་ཀྱི་དབྱེ་བ་ངོ་བོ་མཚན་ཉིད་དང་།། དེ་ཡི་ལས་དཔེ་བསྟན་པས་རྟོགས་པར
7a2 གསུངས།། དེ་ཡང་འདུས་པའི་འཁོར་རྣམས་ཡིད་ཀྱིས་ཉོན།། དབྱེ་བ་རང་བཞིན་བག་ཆགས་ཡིད་ཀྱི་ལུས།། ཐོག་མ་ཐ་མ་ད་ལྟ་སོ་སོའི་ཁྱད།། ངེས་པར་གཏན་ལ་ཕབ་པའི་དོན་བསྟན་ཕྱིར།། གཟུགས་ནི་ཐ་དད
7a3 ལུས་ཀྱི་གཞི་ལས་བྱུང་།། ངོ་བོ་རྩལ་ཤུགས་ཐ་དད་ལྟ་བུར་ནི།། དངོས་པོར་སྣང་དང་ཐིག་ལེའི་རྩལ་དེ་ལ།། གོང་གི་ལུས་གཉིས་ཀྱང་ནི་དེ་ལ་བརྟེན།། རེ་ཞིག་ལུས་ཀྱང་བག་ཆགས་དབང་གིས་སྣང་།། དེ་ཡི་མཚན
7a4 ཉིད་ངེས་པར་ཆོས་སྐུ་དང་།། བག་ཆགས་ལུས་ཀྱང་རང་བཞིན་ལུས་ལ་བརྟེན།། གཅིག་དང་ཐ་དད་གཉིས་ཀ་ཡིན་པའི་ཕྱིར།། འཁོར་འདས་བསྟན་པ་དེ་ཡང་དེ་ལྟར་གནས།། དེ་ཡང་འདུས་པའི་སྙིང་པོ་ཡང་ཉོན
7a5 ཅིག། སངས་རྒྱས་བྱང་ཆུབ་ཉན་ཐོས་ལས་ཀྱི་ནི།། རྫུ་འཕྲུལ་མཚན་དང་དཔེ་བྱད་ཀུན་གྱི་གཞི།། སེམས་ཅན་ལུས་ངག་ཡིད་ཀྱང་དེ་ལ་བརྟེན།། ལུས་ཀྱི་ཀུན་གཞི་ཐམས་ཅད་བརྟེན་པའི་ལས།། དེ་ཡིས་དེ་ཉིད
7a6 མཚོན་པའི་དཔེར་གསུངས་པ།། ལུས་ཀྱི་ཀུན་གཞི་རང་གནས་ཁྱིམ་དང་འདྲ།། ཉི་མ་འཇུག་པའི་དཔེ་གད་ལ་དམིགས་པ་འདྲ།། ཉི་ཟླ་གཟའ་སྐར་འཆར་བའི་ནམ་མཁའ་འདྲ།། ད་ཡང་རྡོ་རྗེ་སེམས་དཔའ་ཡང་ཉོན
iiif viewer powered by OpenSeadragon
