| e-texts navigator |
| Wylie |
79b1 ལས།། རྨི་ལམ་རྨིས་པ་རྐྱེན་ཐུབ་པའི་ལེའུ་སྟེ་དྲུག་པའོ།། །། བཅོམ་ལྡན་ཀུན་ཏུ་བཟང་པོ་ཡིས།། བར་དོ་རྐྱེན་ཐུབ་བསྟན་པ་ནི།། ཉོན་ཅིག་རྡོ་རྗེ་མཁའ་འགྲོ་མ།། དྲན་པ་བཞི་པོ་རྐྱེན་ཐུབ་ལ།། མངོན་ཤེས
79b2 དྲུག་ལྡན་རྗེས་དྲན་དྲུག། བར་མ་དོ་ཡིས་འོད་སྣང་དེ།། རང་འོད་རང་སྣང་རྐྱེན་ཐུབ་ཡིན།། འགྱུ་བ་ཡེ་ཤེས་རླུང་ཡིན་པས།། ཡེ་ཤེས་རྐྱེན་ཐུབ་ཞེས་ཀྱང་བྱ།། ཡིད་འཇུག་ཤེས་རབ་ངོ་སྤྲད་པས།། ངོ་སྤྲོད་རྐྱེན་ཐུབ
79b3 ཞེས་ཀྱང་བྱ།། བར་དོ་ཡིན་པ་དྲན་པ་དང་།། ཚེ་འཕོས་པ་ནི་དྲན་པ་དང་།། འགྲོ་དྲུག་རང་སྣང་དྲན་པ་དང་།། ཀུན་བཟང་རང་ས་དྲན་པའོ།། མངོན་ཤེས་དྲུག་ནི་འདི་ལྟ་སྟེ།། འགྱུ་བའི་སྤྱན་གྱིས་སྔ་ཕྱི་མཐོང་།། བར
79b4 དོ་འོད་ཀྱི་སྣང་བ་མཐོང་།། དགེ་སྡིག་ལས་ཀྱི་འབྲས་བུ་མཐོང་།། ངོ་སྤྲོད་སངས་རྒྱས་ས་ཡང་མཐོང་།། རིགས་མཐུན་དག་པའི་ལྷ་མི་མཐོང་།། འབྱུང་པོ་མི་མིན་འཇིག་རྟེན་མཐོང་།། སྤྱིར་ནི་འགྲོ་དྲུག་ལོངས
79b5 སྒུསྐུར་མཐོང་།། རྗེས་དྲན་དྲུག་ནི་འདི་ལྟ་སྟེ།། རྣམ་པར་ཤེས་པ་འགག་པར་དྲན།། འབྱུང་བ་ལྔ་པོ་ནུབ་པར་དྲན།། རང་གི་སྲོག་དབུགས་སྡུད་ཆད་དྲན།། བར་དོ་ལུས་པོ་མེད་པ་དྲན།། འགྲུ་བ་སྲོག་རྟེན་མེད་པ
79b6 དྲན།། བླ་མའི་ངོ་སྤྲོད་གདམས་པ་དྲན།། དྲན་པ་དྲུག་པོ་རང་སྣང་བས།། སངས་རྒྱས་ས་ལས་མི་འདའ་བས།། བར་དོ་རྐྱེན་ཐུབ་ཅེས་བསྟན་ནོ།། ཞེས་གསུངས་སོ།། རྩེ་གཅིག་ཟང་ཐལ་གྱི་རྒྱུད་ལས། རྨི་ལམ་རྨིས་པ
iiif viewer powered by OpenSeadragon
