| e-texts navigator |
| Wylie |
78b1 པ་རང་གྲོལ་ངོ་བོའི་རྐྱེན་ཐུབ་ཡིན།། ཞེས་གསུངས་སོ།། ཏིང་ངེ་འཛིན་རྩེ་གཅིག་གི་རྒྱུད་ལས། སྤྱོད་པ་རྐྱེན་ཐུབ་ཀྱི་ལེའུ་སྟེ་བཞི་པའོ།། །། བཅོམ་ལྡན་ཀུན་ཏུ་བཟང་པོ་ཡིས།། གཉིད་ལོག་རྐྱེན་ཐུབ
78b2 བསྟན་པ་ནི།། ཉོན་ཅིག་རྡོ་རྗེ་མཁའ་འགྲོ་མ།། ལུང་མ་བསྟན་གྱི་གཉིད་དང་ནི།། དེ་ཉིད་གཉིད་ཀྱི་རྩ་བའོ།། རྩ་བའི་གཉིད་ནི་འདི་ལྟ་སྟེ།། ཐོག་མར་རང་ལུས་གྲུབ་ཙ་ན།། མཛོད་སྤུའི་སྒོ་རུ་བག་ཆགས་གཉིད།། མ
78b3 ཡིས་ཤེས་རབ་དེ་ཡིས་རྩར།། འགྱུ་བའི་ཤེས་པ་བྱིང་བར་བྱེད།། གཉིད་ཀྱིས་གདམས་པ་དེ་ལྟར་ཤེས།། གཉིད་ལོག་རྟོག་པ་མེད་པ་ཡི།། ལྷུན་གྱིས་གྲུབ་པའི་སྤྱན་ཡིན་པས།། གཉིད་དེ་ཐིག་ལེའི་ཀློང་དུ
78b4 གྲོལ།། ཐིག་ལེ་སྟོང་པར་ངོ་སྤྲད་ན།། གཉིད་ལོག་རྐྱེན་ཐུབ་ཞེས་བྱའོ།། ལུང་མ་བསྟན་གྱི་གཉིད་དག་ནི།། གཏི་མུག་མ་རྟོགས་ཤེས་པ་བག་ལ་ཞ།། ཡེ་ཤེས་མ་ཤར་འཁྲུལ་པར་མི་སྣང་བས།། ལུང་དུ་མ་བསྟན་རང
78b5 གྲོལ་མ་ཤེས་པས།། གཉིད་ལོག་ལམ་བྱུང་རྨིས་པ་གསུམ།། རྨི་བ་འཁྲུལ་པ་བག་ཆགས་ཡིན།། འཁྲུལ་པའི་ངོ་བོ་འགྱུ་བ་རང་ཤར་ཡིན།། གཉིད་ཀྱི་གཞི་མ་མཛོད་སྤུར་ལོག། རྩ་ཡི་རྒྱལ་པོ་ཤེལ་གྱི་སྦུ་གུ
78b6 ཅན།། ཁྲག་གི་དྲོད་དང་ཐིག་ལེའི་རླུང་།། དེ་གསུམ་འདུས་པ་གཉིད་ཀྱི་རྒྱུ།། རྩ་དེ་སྙིང་ལ་ཟུག་པས་ན།། ངོ་བོ་རང་བཞིན་ཐུགས་རྗེ་ཡི།། འཁྲུལ་པའི་ངོ་བོ་འགྲུ་བ་རང་ཤར་ཡིན།། འགྱུ་བའི་གསང་ལམ་འགྲུས་ནས
iiif viewer powered by OpenSeadragon
