| e-texts navigator |
| Wylie |
78a1 ཆུང་།། ཕྲ་མོའི་རྟོག་པ་རང་སར་དག། ཡེངས་པ་མེད་པ་རིག་པའི་གནད།། བྱིང་རྨུགས་རྒོད་དང་འཕྲོ་བ་རྣམས།། དགུག་པ་སེལ་བར་བྱ་མི་དགོས།། ཡེ་ཤེས་རང་ཤར་བྱིང་རྒོད་ཀྱང་།། རང་གྲོལ་འུབ
78a2 ཆུབ་རྩེ་མོར་ཕྱིན།། ཐུན་ཚད་གཟུང་དུ་གཅིག་པོར་འདུས།། ཉག་གཅིག་རྟོགས་བསྒོམ་ཉམས་ལས་འདས།། ཡེ་ཤེས་བསྒོམ་པ་མ་ཡིན་ཏེ།། ཡེ་ཤེས་བསྒོམ་དུ་བློ་སྣང་མེད།། བློ་སྣང་བསྒོམ་པས་རྐྱེན་མི་ཐུབ།། ངོ་བོ
78a3 བློ་སྣང་རང་སྒོ་དེ།། ཡེ་ཤེས་རང་ཤར་ཏིང་འཛིན་རྐྱེན་ཐུབ་ཡིན།། ཞེས་གསུངས་སོ།། ཏིང་ངེ་འཛིན་རྩེ་གཅིག་གི་རྒྱུད་ལས། རྩེ་གཅིག་རང་སྒོའི་ལེའུ་མཐའ་གྲོལ་རྐྱེན་ཐུབ་ཀྱི་ལེའུ་སྟེ་གསུམ
78a4 པའོ།། །། བཅོམ་ལྡན་ཀུན་ཏུ་བཟང་པོ་ཡིས།། རྡོ་རྗེ་མཁའ་འགྲོ་འཁོར་བཅས་ལ།། སྤྱོད་པ་རྐྱེན་ཐུབ་བསྟན་པ་ནི།། རང་བྱུང་ཤུགས་བྱུང་སྤྱོད་པ་ནི།། སྣང་སྲིད་ཐུག་ཕྲད་ཤེས་པ་ནི།། ཤེས་རབ་ཐབས
78a5 ཀྱི་སྤྱོད་པ་སྟེ།། བྱས་སྤྱོད་མ་ཡིན་རང་ཤར་ལ།། བཟང་རྟོགས་ངན་རྟོགས་ཚོགས་སུ་སྤྱོད།། སྤྱོད་མེད་རང་ཤར་འུབ་ཆུབ་དང་།། མཉམ་པར་ཤེས་པས་ཡུལ་མེད་དེ།། སྤྱོད་པ་སྤང་ལེན་རྐྱེན་མི་ཐུབ།། དུག་ལྔ་རང
78a6 ཤར་བདེ་བར་སྤྱོད།། རང་བྱུང་གྲོགས་སུ་ཤར་བའི་རྐྱེན་རྣམས་ཐུབ།། སྣང་བ་འོད་གསལ་ཕྱི་ཡི་རྐྱེན་ཐུབ་ཡིན།། ཚོགས་དྲུག་རང་དག་ནང་གི་རྐྱེན་ཐུབ་ཡིན།། འགྱུ་བ་དངས་སངས་གསང་བའི་རྐྱེན་ཐུབ་ཡིན།། རོལ
iiif viewer powered by OpenSeadragon
