| e-texts navigator |
| Wylie |
77b1 བཀའ་སྩལ་པ།། ཉོན་ཅིག་རྡོ་རྗེ་མཁའ་འགྲོ་མ།། ལྟ་བ་རྐྱེན་ཐུབ་མི་ཐུབ་གཉིས།། རྐྱེན་ཐུབ་འདི་ལྟར་ཤེས་པར་གྱིས།། རང་སྣང་ཐིག་ལེའི་ཀློང་ཆེན་ལ།། རྒྱུ་མེད་པ་ལ་རྐྱེན་མེད་པས།། ཕྱི་ནང་མེད་པར་ལྟ་བའི
77b2 གདེང་།། ཟང་ཐལ་ཤར་བས་གཉེན་པོ་མེད།། སྐྱེ་མེད་རྡོ་རྗེ་རང་སྣང་བ།། གཉེན་པོས་ཆོམས་པའི་སྐབས་མེད་པས།། ལྟ་བ་ཀློང་ཆེན་རྩོལ་བསྒྲུབ་གྲོལ།། ཡེ་གྲོལ་ཐིག་ལེ་རང་ལ་ཤར།། མ་བྱས་རང་སྒོ་ལྟ་བས
77b3 མཆོག། རྐྱེན་མེད་རྣམ་དག་འུབ་ཆུབ་ཀློང་།། ཕྱི་ནང་མེད་པས་མན་ཤེལ་འདྲ།། དཔེ་ཟླ་མེད་པས་ནམ་མཁའ་འདྲ།། རྒྱུ་རྐྱེན་མེད་པས་ཉི་མ་འདྲ།། ཐམས་ཅད་རྫོགས་པས་ནོར་བུ་འདྲ།། ལྟ་བ་ལྐོག་འགྱུར་སྟོང་ཉིད
77b4 མཁན།། ད་ལྟ་སྦྱངས་ནས་ཕྱི་དུས་འདེབས།། སངས་རྒྱས་ཕྱི་དུས་མཁན་པོ་དེ།། ལྟ་བ་རྐྱེན་ཁར་ཤོར་བ་ཡིན།། རྐྱེན་ཐུབ་རྐྱེན་ཉིད་ལས་གྲོལ་བ།། གཉིས་མེད་ལྟ་བ་རང་ལ་སྣང་།། དེ་ནི་ལྟ་བ་རྐྱེན་ཐུབ་ཡིན།། ཞེས
77b5 གསུངས་སོ།། ཏིང་ངེ་འཛིན་རྩེ་གཅིག་གི་རྒྱུད་ལས། ལྟ་བ་རྐྱེན་མེད་ངོ་སྤྲོད་ཀྱི་ལེའུ་སྟེ་གཉིས་པའོ།། །། བཅོམ་ལྡན་ཀུན་ཏུ་བཟང་པོ་ཡིས།། རྡོ་རྗེ་མཁའ་འགྲོའི་ཚོགས་རྣམས་ལ།། བསམ་གཏན
77b6 རྐྱེན་ཐུབ་བསྟན་པ་ནི།། བསམ་གཏན་ཆེན་པོ་ཐུན་གཅིག་པོ།། བསམ་གཏན་རང་སྒོ་བྱིང་རྨུགས་སེལ།། རང་བྱུང་ཉམས་ལས་གྲོལ་བ་ཡིན།། རྩེ་གཅིག་ཡེ་ཤེས་ཉམས་ལས་གྲོལ།། ཉམས་མྱོང་བག་ཆགས་ཕྲག་དོག
iiif viewer powered by OpenSeadragon
