| e-texts navigator |
| Wylie |
77a1 རྒྱ་གར་སྐད་དུ། ཨཱརྱཱ་བ་ལོ་ཀི་ཏེ་ཤྭ་ར་ས་མ་དྷྱེ་ཀ་ཏནྟྲ་ནཱ་མ། བོད་སྐད་དུ། འཕགས་པ་སྤྱན་རས་གཟིགས་ཏིང་འཛིན་རྩེ་གཅིག་གི་རྒྱུད་ཅེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི
77a2 སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ། སྤྱན་རས་གཟིགས་སེང་གེ་རྣམ་པར་རྩེ་བ་དང་མཁའ་འགྲོ་རྣམས་ཀྱིས་རབ་ཏུ་བསྐོར། རང་བྱུང་བྱིན་རླབས་སྟོན་པའི་དུས་བྱིན
77a3 གྱིས་རླབས་ཀྱི་ཡེ་ཤེས་ཤར་བའི་ཚེ་བསྟན་པ་རང་སྣང་ཤུགས་ཆོད་ལ།། ཏིང་འཛིན་རྩེ་གཅིག་རྒུད་པའོ།། དེ་ནས་མཁའ་འགྲོ་ཉི་མའི་ཕྲེང་བ་ཡིས།། ཆོས་ཉིད་བརྡལ་བའི་ཕོ་བྲང་དུ།། བཅོམ་ལྡན་ཀུན་ཏུ་བཟང་པོ
77a4 ལ།། བལྟ་བ་རྐྱེན་ཐབས་ཇི་ལྟར་ལགས།། བསམ་གཏན་རྐྱེན་ཐུབ་ཇི་ལྟར་ལགས།། སྤྱོད་པ་རྐྱེན་ཐུབ་ཇི་ལྟར་ལགས།། གཉིད་ལོག་རྐྱེན་ཐུབ་ཇི་ལྟར་ལགས།། རྨི་ལམ་རྐྱེན་ཐུབ་ཇི་ལྟར་ལགས།། བར་དོ་རྐྱེན་ཐུབ
77a5 ལྟར་ལགས།། ཡེ་ཤེས་རྐྱེན་ཐུབ་ཇི་ལྟར་ལགས།། འབྲས་བུ་རྐྱེན་ཐུབ་ཇི་ལྟར་ལགས།། བག་ཆགས་རྐྱེན་ཐུབ་ཇི་ལྟར་ལགས།། འཁྲུལ་པ་རྐྱེན་ཐུབ་ཇི་ལྟར་ལགས།། ཞེས་ཞུས་པས། སྟོན་པས་བཀའ་སྩལ་པ།།
77a6 ཉོན་ཅིག་མཁའ་འགྲོ་ཉི་མའི་ཕྲེང་།། ང་ཡིས་ཁྱོད་ལ་བསྟན་པར་བྱ།། ཞེས་གསུངས་སོ།། ཏིང་ངེ་འཛིན་རྩེ་གཅིག་གི་རྒྱུད་ལས། ཞུས་པ་དང་ལན་གནང་བའི་ལེའུ་སྟེ་དང་པོའོ།། །། ཀུན་ཏུ་བཟང་པོས
iiif viewer powered by OpenSeadragon
