| e-texts navigator |
| Wylie |
75b1 ཡང་ཏི་ནག་པོ་མིན།། ཡུལ་དང་ཡུལ་ཅན་ཡིན་པའི་ཕྱིར།། ཐེག་པ་འོག་མའི་ཁྱུ་རུ་གོལ།། དེ་ཕྱིར་ཡེ་བསྲུངས་དོན་འདི་བསྟན།། ཞེས་གསུངས་སོ།། འཇམ་དཔལ་འདུས་པའི་རྒྱུད་ལས། དམ་ཚིག་བསྲུང་བའི་ལེའུ
75b2 སྟེ་བརྒྱད་པའོ།། །། དཀྱིལ་འཁོར་བསྐྱེད་དུ་མེད་པའི་དོན་འདིའོ།། ལྟེ་བ་མུ་འཁྱུད་འཁོར་ལོ་འཕགས།། ཟླ་གམ་རིན་ཆེན་ཟུར་གསུམ་རྣམས།། རང་ལས་སྣང་བ་ཕྱི་རུ་ཤར།། དེ་ལ་དམ་པར་འཛིན་པ
75b3 ནི།། ཐེག་པ་འོག་མའི་འདོད་གཞུང་ངོ་།། ཡང་ཏི་ནག་པོ་འདི་ལྟར་འདོད།། ཕྱི་ཡི་དཀྱིལ་འཁོར་རང་སྣང་ཡིན།། ནང་གི་དཀྱིལ་འཁོར་རང་བྱུང་ཡིན།། གསང་བའི་དཀྱིལ་འཁོར་གཉིས་མེད་ཡིན།། ཡང་ཏིའི་དཀྱིལ
75b4 འཁོར་བསྟན་པ་ནི།། ཐམས་ཅད་ཡེ་ནས་སངས་རྒྱས་ཡིན།། ཡིན་པར་ཤེས་པས་བསྐྱེད་དུ་མེད།། ཅེས་གསུངས་སོ།། འཇམ་དཔལ་འདུས་པའི་རྒྱུད་ལས། ཡང་ཏི་ནག་པོའི་དཀྱིལ་འཁོར་གྱི་ལེའུ་སྟེ་དགུ
75b5 པའོ།། །། ལྷ་ལ་བསྒོམ་དུ་མེད་པའི་དོན་བསྟན་པ།། དབྱིངས་ཕྱུག་ལ་སོགས་ཡུལ་རྣམས་ནི།། རང་སྣང་ཡུལ་དུ་གཟུང་བས་འཁྲུལ།། ཧེ་རུ་ཀ་སོགས་ཡབ་རྣམས་ནི།། རང་ཤར་བརྟག་ཏེ་ཡབ་ཏུ
75b6 གཟུང་།། ཐུགས་ལས་སྐྱེས་པའི་སྲས་མཆོག་ནི།། ཡབ་ཀྱི་རང་བྱུང་ཆ་ལས་གཟུང་།། དེ་ཡི་ཡུམ་རྣམས་ཐམས་ཅད་ཀྱིས།། ཡུམ་གྱིས་སྣང་བའི་ཆ་ལས་གཟུང་།། གཉིས་མེད་ཟེར་གྱིས་གཉིས་སུ་བསྒྲུབ།། དེས་ན།།
iiif viewer powered by OpenSeadragon
