| e-texts navigator |
| Wylie |
75a1 གྲུབ་ལ།། འབྲས་བུ་ཐམས་ཅད་མཁྱེན་པའི་ཡེ་ཤེས་སོ།། གཉིས་སུ་མེད་པའི་ཆོས་སྐུ་ལ།། ཚོགས་གཉིས་རྣམ་པ་གཉིས་རྫོགས་པས།། ཚོགས་རྣམས་མི་གསོག་ཡེ་ནས་རྫོགས།། གཉིས་སྣང་མེད་པས
75a2 བསག་ཏུ་མེད།། ཅེས་གསུངས་སོ།། འཇམ་དཔལ་འདུས་པའི་རྒྱུད་ལས། ཚོགས་ཀྱི་ལེའུ་སྟེ་དྲུག་པའོ།། །། སྒྲིབ་པ་སྦྱངས་པའི་དོན་འདིའོ།། སྒྲིབ་པ་ལ་ཡང་རྣམ་བཞི་སྟེ།། རིག་པ་སྤྲུལ་པའི་སྐུར་གྲུབ
75a3 པས།། ཤེས་བྱའི་སྒྲིབ་པ་དེ་ལ་མེད།། སྣང་བ་རང་སྣང་ལོངས་སྐུ་ལ།། ཉོན་མོངས་སྒྲིབ་པ་སྦྱང་དུ་མེད།། གཉིས་སྣང་མེད་པའི་ཐིག་ལེ་ལ།། ལས་ཀྱི་སྒྲིབ་པ་སྦྱང་དུ་མེད།། ཆགས་པ་རང་བྱུང་ཡེ་ཤེས་ལ།། བག
75a4 ཆགས་སྒྲིབ་པ་སྦྱང་དུ་མེད།། ཐམས་ཅད་ཐིག་ལེ་ཆོས་སྐུ་ལ།། སྒྲིབ་པ་བཞི་པོ་གང་དུ་སྦྱང་།། སྦྱང་བའི་ས་དང་སྦྱོང་བའི་རྒྱུ།། གཉིས་སྤྱོད་ཕྱིར་ན་ཡང་ཏི་མིན།། ཇི་སྙེད་ཐེག་པ་འོག་མར་གོལ།། གོལ་ས་བཅད་ཕྱིར
75a5 དོན་འདི་བསྟན།། ཞེས་གསུངས་སོ།། འཇམ་དཔལ་འདུས་པའི་རྒྱུད་ལས། སྒྲིབ་པ་སྦྱང་བའི་ལེའུ་སྟེ་བདུན་པའོ།། །། དམ་ཚིག་བསྲུང་དུ་མེད་པའི་དོན་འདིའོ།། ཆོས་སྐུ་ཁྱབ་པའི་གཅིག་པའི་ཕྱིར།། སྲུང
75a6 བའི་དམ་ཚིག་ས་མ་ཡ།། འབུམ་དེ་བཀོད་པ་ཚིག་ཡིན་ཏེ།། ཚིག་ལ་མི་བརྟེན་རང་བྱུང་བས།། དེ་རྣམས་ཐིག་ལེར་འདུས་པས་ན།། ཐམས་ཅད་བསྲུང་བྱ་གང་ཡང་མེད།། བསྲུང་བྱ་སྲུང་བྱེད་གཉིས་བྱུང་ན།། དེ་ནི
iiif viewer powered by OpenSeadragon
