| e-texts navigator |
| Wylie |
74b1 དོན་མཆོད་པས།། དེ་ནི་དབང་བསྐུར་གསུམ་པ་ཡིན།། ཚིགས་རྣམས་ཐམས་ཅད་དོན་ལ་བསྡུས།། དེ་ནི་དབང་བསྐུར་བཞི་པ་ཡིན།། དབང་རྫས་རང་ལ་རབ་རྫོགས་པས།། སྣང་བ་རྫས་ཀྱི་ཁར་མ་ལུས།། ཞེས
74b2 གསུངས་སོ།། འཇམ་དཔལ་འདུས་པའི་རྒྱུད་ལས། དབང་གིས་ལེའུ་སྟེ་གསུམ་པའོ།། །། ལམ་སྦྱངས་མི་དགོས་པའི་དོན་འདིའོ།། འབྱུང་བ་ལྔ་ལ་ལོངས་སྤྱོད་པས།། དེ་ནི་ཚོགས་ཀྱི་ལམ་པའོ།། དེ་ཉིད་འོད
74b3 གསལ་ཉིད་དུ་ཤར།། དེ་ནི་སྦྱོར་བའི་ལམ་པ་ཡིན།། གཉིས་སྣང་མེད་པའི་ཡེ་ཤེས་གསལ།། དེ་ནི་མཐོང་བའི་ལམ་པའོ།། དེ་རྣམས་གཉིས་སུ་མེད་པར་གནས།། དེ་ནི་མཐར་ཕྱིན་ལམ་པའོ།། ཞེས་གསུངས
74b4 སོ།། འཇམ་དཔལ་འདུས་པའི་རྒྱུད་ལས། ལམ་གྱི་ལེའུ་སྟེ་བཞི་པའོ།། །། ས་ལམ་མི་བགྲོད་དོན་འདིའོ།། ས་རྣམས་མི་བགྲོད་རང་ལ་རྫོགས།། མཉམ་པར་ཤེས་ནས་ས་རྣམས་ཀུན་དང་མཉམ།། བགྲོད
74b5 མེད་དོན་ལ་གང་གནས་པ།། དེ་ནི་ས་རྣམས་ནོན་པ་སྟེ།། གང་ཞིག་ས་རྣམས་བགྲོད་འདོད་པ།། ཕྱིན་པའི་དུས་མེད་ནོན་པའི་ཐབས་མེད་དེ།། དཔེར་ན་རི་དྭགས་སྨིག་རྒྱུ་བསྙེགས་དང་མཚུངས།། ཞེས་གསུངས
74b6 སོ།། འཇམ་དཔལ་འདུས་པའི་རྒྱུད་ལས། སའི་ལེའུ་སྟེ་ལྔ་པའོ།། །། ཚོགས་རྣམས་མི་བསོག་དོན་འདིའོ།། ཚོགས་བསགས་དོན་ལ་རྣམ་གཉིས་ཏེ།། རྒྱུ་ཡིས་ཚོགས་དང་འབྲས་བུའོ།། རྒྱུ་ནི་ཐིག་ལེ་ལྷུན
iiif viewer powered by OpenSeadragon
