| e-texts navigator |
| Wylie |
74a1 རྒྱ་གར་སྐད་དུ། ཤྲཱི་མཉྫ་ས་མུ་ད་ཡ་ཏནྟྲ། བོད་སྐད་དུ། འཇམ་དཔལ་འདུས་པའི་རྒྱུད། འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཟོས་པའི་དུས་གཅིག་ན། འོག
74a2 མིན་དུ་ནི་བཞུགས་གནས་ནི།། སངས་རྒྱས་སེམས་ཅན་རྒྱབ་གྱེས་དུས།། འཁོར་གྱི་རྡོ་རྗེ་སེམས་དཔའ་ལ།། ཡང་ཏི་ནག་པོའི་བསྟན་པ་ཤར།། སྡུད་བྱེད་རོ་ལངས་བདེ་བས་བསྡུས།། འཇམ་དཔལ་འདུས་པའི་རྒྱུད
74a3 ལས། གླེང་གཞིའི་ལེའུ་སྟེ་དང་པོའོ།། །། དེ་ནས་རྡོ་རྗེ་སེམས་དཔའ་ཡིས།། ཀྱེ་ཀྱེ་སྟོན་པ་ཀུན་ཏུ་བཟང་པོ་ལགས།། རྫོགས་པ་ཆེན་པོའི་དོན་ཆེན་ལ།། དབང་ལ་བསྐུར་བའི་དོན་རྣམས་དང་།། ལམ་སྦྱངས
74a4 བགྲོད་ཚོགས་བསགས་པ་དང་།། སྒྲིབ་སྦྱང་དམ་ཚིག་དཀྱིལ་འཁོར་དང་།། ལྷ་བསྒོམ་སྔགས་བཟླས་ཏིང་འཛིན་དང་།། སྦྱིན་དང་ཚུལ་ཁྲིམས་སྨོན་ལམ་དང་།། དེ་རྣམས་དོན་ཀྱང་བཤད་དུ་གསོལ།། ཞེས་ཞུས
74a5 སོ།། འཇམ་དཔལ་འདུས་པའི་རྒྱུད་ལས། ཞུས་པའི་ལེའུ་སྟེ་གཉིས་པའོ།། །། ཀུན་ཏུ་བཟང་པོས་བཀའ་སྩལ་པ།། ཉོན་ཅིག་རྡོ་རྗེ་སེམས་དཔའ་ཆེ།། དབང་ལ་བསྐུར་མི་དགོས་པ་ནི།། བུམ་པ་ཐོབ་དང
74a6 གསང་དབང་དང་།། ཚིག་གི་དབང་དུ་ཐམས་ཅད་འདུས།། རང་ལུས་བུམ་པར་ཤེས་པ་ནི།། དེ་ནི་དབང་བསྐུར་དང་པོ་ཡིན།། རིག་སྣང་གཉིས་སུ་སྦྱོར་བ་ནི།། དེ་ནི་དབང་མཆོག་གཉིས་པ་ཡིན།། ཡེ་ཤེས་སྐུ་ཡིས
iiif viewer powered by OpenSeadragon
