| e-texts navigator |
| Wylie |
73a1 རྒྱུད་ལས། འབྲས་བུ་མངོན་དུ་འབྱུང་བར་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་ཀུན་རིག་ཆོས་རྗེ་ཡིས།། འདུས་པའི་འཁོར་ནི་དད་ལྡན་ལ།། ངེས་དོན་གསང་བའི་རྒྱུད་གཏད
73a2 པ།། རྒྱུད་འདི་ཐོས་པའི་ཕན་ཡོན་ནི།། དོན་མཐོང་སངས་རྒྱས་ལག་ཏུ་ཐོབ།། ཆོས་སྐུའི་ཡེ་ཤེས་དུས་འདིར་རྟོགས།། ཆོས་རྣམས་རྩ་བ་དུས་གཅིག་ཤེས།། རྒྱུད་འདི་འཛིན་པས་དངོས་གྲུབ་ཐོབ།། ཀུན་ཏུ་བཟང་པོ
73a3 ད་ལྟ་ཡིན།། གང་ཞིག་སངས་རྒྱས་དངོས་འདོད་པ།། རྒྱུད་ཆེན་འདི་ལ་བལྟ་བར་གྱིས།། སངས་རྒྱས་བསྟན་པ་ནུབ་ཀ་རུ།། ང་ཡི་ཆོས་འདི་དུས་དེ་རུ།། མན་ངག་སྙིང་པོ་འབྱུང་ངེས་ཀྱི།། ཕྱི་རབས་རྣལ་འབྱོར་སེམས
73a4 ལ་ཆོངས།། དེ་ཡང་རྡོ་རྗེ་སེམས་དཔའ་ཉོན།། ལན་གཅིག་དུས་ཀྱི་དེང་སང་ན།། འདྲ་མིན་བསླུ་ཆོས་དར་བའི་ཚེ།། འཕྱར་འཇིག་ཚོད་ལ་འདི་བསྟན་ན།། འདིར་སྡུག་ཕྱི་མར་དམྱལ་བར་ལྟུང་།། འདུས་པའི་འཁོར
73a5 རྣམས་ཡང་ཉོན་ཅིག། རང་བྱུང་ཆོས་སྐུ་ཉག་གཅིག་གི།། མན་ངག་འདི་མེད་ལྷ་མི་ཀུན།། ཕྱི་ནང་སྣོད་བཅུད་བཀའ་རྒྱུད་ཆོས།། མཁས་ཀྱང་རྨོངས་པའི་ང་རྒྱལ་གྱིས།། ངེས་དོན་རྒྱུད་ཆེན་དོན་འདི་ལ།། སྒོ་སྐར
73a6 འདེབས་ཤིང་འཆིང་བར་འགྱུར།། དེ་ཚེ་དུས་ཀྱི་དེང་སང་ན།། འདྲ་མིན་བསླུ་ཆོས་དར་བའི་ཚེ།། ཁ་བསགས་ཅན་གྱིས་ཀུན་བསླུས་ཏེ།། མན་ངག་གསང་བཤད་ཡོད་ཟེར་ནས།། གཞི་འབོལ་ཆགས་ཆུང་ཚུལ་འཆོས
iiif viewer powered by OpenSeadragon
