| e-texts navigator |
| Wylie |
72b1 བྱུང་སྐྱེ་ཤི་མེད་པའི་ཕྱིར།། དུས་གསུམ་གཅིག་པས་ཡེ་ཤེས་སྐུ།། གྲངས་དང་ཚེ་ཚད་བགྲང་དུ་མེད།། དེ་ཕྱིར་མི་འགྱུར་ཡེ་ཤེས་ཡིན།། དེ་ཡང་འདུས་པའི་སྙིང་པོ་ཉོན།། ཡེ་ཤེས་རང་ཤར་ལ་ཟློ་ལ།། གང་ལྟར་སྣང
72b2 དྲན་ཆོས་ཉིད་ལ།། མ་བཙལ་ཡེ་ཤེས་རང་གནས་ཕྱིར།། བསྒོམ་མི་དགོས་པར་ལ་བཟླའོ།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། ཡེ་ཤེས་རང་ཤར་དུ་ལ་བཟླ་བའི་ལེའུ་སྟེ་བཅུ་བདུན
72b3 པའོ།། །། དེ་ནས་ཀུན་རིག་རྒྱལ་པོ་ཡིས།། དད་ལྡན་འདུས་པའི་འཁོར་རྣམས་ལ།། རྟོགས་པའི་འབྲས་བུ་བཀའ་སྩལ་པ།། རྟོགས་པའི་ཡོན་ཏན་དུས་འདིར་ནི།། ལུས་མེད་སྒོ་ལྔའི་རིག་པ་འདི།། སྔར་མ
72b4 མཐོང་བའི་ཞིང་ཁམས་གསུམ།། ཡེ་ཤེས་མིག་གིས་དུས་གཅིག་མཐོང་།། འཆར་ནུབ་མེད་པའི་ཉི་ཟླ་ཤར།། དེ་ཡང་རྡོ་རྗེ་སེམས་དཔའ་ཉོན།། མ་བསམ་པ་ཡིས་ལྷག་མཐོང་ལ།། མི་བརྗེད་པ་ཡིས་གཟུངས་ཀྱིས
72b5 གཟུང་།། མ་ཟོས་བདུད་རྩིའི་རོ་མཆོག་མྱང་།། མ་བསྒྲུབས་པ་ཡིས་འབྲས་བུ་ཐོབ།། མ་བསམས་པ་ཡིས་དོན་གཅིག་འགྲུབ།། དེ་ཡང་རྡོ་རྗེ་སེམས་དཔའ་ཉོན།། དེ་ཕྱིར་ངེས་དོན་འདིར་བཅངས་ན།། དུས་འདིར
72b6 ཆོས་ཉིད་བདེན་པ་མཐོང་།། ཐུན་མོངས་དངོས་གྲུབ་ཅི་བསམས་གྲུབ།། རྗེས་དྲན་ཡོན་ཏན་བར་དོར་འོང་།། དུས་འདིར་སངས་རྒྱས་སྨོས་ཅི་དགོས།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི
iiif viewer powered by OpenSeadragon
