| e-texts navigator |
| Wylie |
71b1 མ་ཤིར་རིགས།། ལུས་མེད་སྟོང་པས་གནོད་མི་ནུས།། དེ་ཕྱིར་འདྲེ་གནོད་རྫུན་པོ་ཆེ།། ལྷབ་ཀའི་མོས་མ་ཀུན་གྱིས་བསླུས།། ཐ་མལ་ལས་ཀྱི་དུས་ཟད་ན།། མོ་ཆོག་བྱས་དང་མ་བྱས་མེད།། རྐྱེན་མི་བཟློག་སྟེ་ཀུན་ཀ
71b2 འཆི།། ད་ཡང་འདུས་པའི་སྙིང་པོ་ཉོན།། དེ་ཕྱིར་ལྷ་འདྲེ་ཀུན་མེད་དེ།། འཁྲུལ་པའི་བློ་ཡིས་བཏགས་པ་ལས།། རྟོག་པས་འདྲེ་མེད་ལ་ཟློ་ན།། འཁོར་འདས་མ་རིག་ཆོས་འདི་ལ།། ལྷ་འདྲེ་བྱ་བའི་མིང་མེད
71b3 ཤེས།། ཐམས་ཅད་ཐིག་ལེ་ཉག་གཅིག་ལ།། དུག་ཉིད་སྨན་དུ་སྦྱོར་ཤེས་ལྟར།། འདྲེ་ཉིད་ཡེ་ཤེས་ཀློང་དུ་ཤེས།། དགག་བསྒྲུབ་མེད་ཕྱིར་འདྲེ་རྣམས་སྟོང་།། རྐྱེན་གྱིས་མི་ཚུགས་ནམ་མཁའ་འདྲ།། དེ་ཡང་འདུས་པའི
71b4 སྙིང་པོ་ཉོན།། སྔགས་དང་དོན་གྱི་ངོ་བོ་ལ།། ལྷ་འདྲེ་མི་ཤེས་ཡེ་ཤེས་སྐུ།། གང་ལ་རྟོག་མེད་རང་བྱུང་ལ།། ངེས་དོན་གདམས་ངག་གསལ་ཐེབས་ཕྱིར།། བསླུ་བྲིད་ཆོས་ཀྱི་གོལ་སྒྲིབ་མེད།། འདྲེ་མེད་ཡེ་ཤེས་ལ
71b5 བཟླའོ།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། འདྲེ་སུན་འབྱིན་པར་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་རྡོ་རྗེ་སེམས་དཔའ་ཡིས།། རྟོགས་ལྡན་འཁོར་གྱི་དོན
71b6 ཆེད་དུ།། ཀུན་རིག་སྟོན་པ་ཆོས་རྗེ་ལ།། བདེན་པའི་དགོངས་དོན་འདི་སྐད་གསོལ།། ཡེ་ཤེས་ལ་ནི་ཇི་ལྟར་བཟླ།། དེ་ཡི་འབྲས་བུ་ཇི་ལྟར་འབྱུང་།། ངེས་དོན་རྒྱུད་འདི་གང་ལ་གཏད།། མཉམ་པའི་སྟོན་པས་བཤད
iiif viewer powered by OpenSeadragon
