| e-texts navigator |
| Wylie |
71a1 ཡིས།། ཟོལ་ཟོལ་སྨྲ་ཞིང་ལམ་ལམ་བོར།། བདུད་ཀྱི་བྱིན་རླབས་གློ་བུར་འབྱུང་།། ལྷ་མེད་ལྟར་འཛིན་འདྲེ་རྣམས་གནོད།། འདུ་བ་རྣམ་བཞིའི་ནད་དང་ནི།། ཡེ་འདྲོག་སུམ་བརྒྱ་འདྲེ་ཡིས་བྱས།།
71a2 མཆོད་འདྲེ་བརྡུང་ནད་ལ་ཕན།། དེ་སྐད་རྫུན་དུ་སྨྲ་བ་ལ།། རྨོངས་པའི་སྐྱེ་བོ་བདེན་སྙམ་ནས།། བོན་མཆོག་བྱས་པས་ཕན་པ་སྙམ།། འདྲེ་མཆོད་བདུད་དུ་ཕྱི་མང་ཆེ།། འབྱུང་བ་ལྔ་ལ་འདྲེ་ཡོད་ཟེར།། སྲིད་པའི་སྤྱི
71a3 བགེགས་མི་ལ་གནོད།། མི་ཤི་འདྲེ་རུ་གནོད་ཟེར་ཏེ།། རྒྱབ་མཆོད་འདྲེ་ནི་བཏགས་བྱས་པས།། ན་ཚ་གོད་ཁ་སླར་ལ་འོང་།། དེ་ཡང་འདུས་པའི་སྙིང་པོ་ཉོན།། སྲིད་པའི་སྤྱི་བགེགས་ཆེན་པོ་འདི།། སྐྱེ་བོ་རྒྱང་འཕེན
71a4 པ་ལ་ཡོད།། སངས་རྒྱས་ཆོས་ལ་འདྲེ་མེད་ཕྱིར།། ཆོས་དང་གང་ཟག་བདག་དང་བྲལ།། དེ་ཕྱིར་སྣང་བ་མེད་པའི་ཕྱིར།། སྲིད་པའི་སྤྱི་འདྲེ་གཞི་ལ་མེད།། འདྲེ་ཡོད་ཟེར་བ་བལྟ་བ་ལོག། རྫོགས་པ་ཆེན་པོ་ཡེ་ཤེས
71a5 འཁོར་ལོ་གསང་བ་ཐུགས་ཀྱི་རྒྱུད་ལས། གཞི་ལ་འདྲེ་མེད་པར་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས།། འདྲེ་སུན་འདོན་པ་བཀའ
71a6 སྩལ་པ།། འཇིག་རྟེན་ཞིག་ན་འདྲེ་ཡང་མེད།། ཀུན་བརྟགས་མ་རིག་ཡུལ་དུ་བརྟགས།། མ་རིག་མེད་ན་འདྲེ་ཡང་མེད།། འདྲེ་ནི་གློ་བུར་བཏགས་ཙམ་པ།། མི་ལས་གྱུར་པས་འདྲེ་གནོད་ན།། ལུས་ཅན་གནོད་ན
iiif viewer powered by OpenSeadragon
