| e-texts navigator |
| Wylie |
70b1 ནའང་།། རྐྱེན་སྒྲིབ་མེད་པར་ཡེ་ཤེས་ཤར།། དམྱལ་དཔོན་ལྟུང་བ་མེད་པ་བཞིན།། བརྟུལ་ཞུགས་མཆོག་གི་སྤྱོད་པ་ལ།། བསྲུང་བའི་དམ་ཚིག་མི་འགལ་ཏེ།། ལུང་རིག་མཐུན་པའི་ཆོས་འདི་དགོས།། དེ་ཡང་རྡོ་རྗེ
70b2 སེམས་དཔའ་ཉོན།། དེང་སང་དུས་ཀྱི་ཆོས་བྱེད་རྣམས།། ཞི་འཇམ་རྒྱུད་འབོལ་འདོད་པ་དེ།། གདམས་ངག་མེད་ཕྱིར་བྱོལ་སོང་རྒྱུ།། དེ་ཕྱིར་རྨོངས་པ་སྙིང་རེ་རྗེ།། ཞི་འབོལ་འབྲས་བུ་ཐོབ་པ་མེད།། ལྷ་རྣམས
70b3 འཇིག་རྟེན་དུ་ལྟུང་ཞིང་།། ལྟ་བ་མ་རྟོགས་ཐམས་ཅད་ལྟུང་།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། བརྟུལ་ཞུགས་མཆོག་གིས་ཡེ་ཤེས་རང་ཤར་བསྟན་པའི་ལེའུ་སྟེ་བཅུ་བཞི
70b4 པའོ།། །། དེ་ནས་འདུས་པའི་ཚོགས་རྣམས་ལ།། གཞི་ལ་འདྲེ་མེད་བསྟན་པའི་ཕྱིར།། སྟོན་པ་ཀུན་རིག་ཆོས་རྗེ་ཡིས།། འདྲེ་སུན་འདོན་པ་བཀའ་སྩལ་པ།། གཞི་ལ་ལྷ་འདྲེ་མེད་པ་ལ།། མུ་སྟེགས་སྐྱེ་བོ
70b5 བདེན་འཛིན་པ།། འདྲེ་ཡོད་སུན་འདོན་ལ་བཟླའི་དོན།། ང་ཡིས་བཤད་ཀྱིས་སེམས་ལ་ཞོག། ད་ཡང་རྡོ་རྗེ་སེམས་དཔའ་ཉོན།། ཡུལ་གྱིས་རྟོག་པ་མ་ཟད་པར།། གནོད་པའི་བགེགས་ལ་ཟད་པ་མེད།། བགེགས
70b6 རིགས་སྟོང་ཕྲག་བརྒྱད་བཅུ་དང་།། ཡེ་འདྲོག་སུམ་བརྒྱ་དྲུག་ཅུ་རྣམས།། གཞི་ལ་གང་ཡང་མེད་པ་ལ།། བཙུན་པ་ཁྲིམས་འཆལ་ཨུ་ལི་ཡིས།། མུ་སྟེགས་ལོག་ལྷའི་ལྷ་བསྒྲུབས་ནས།། ཁ་ཆེའི་བྱེ་བྲག་སྨྲ་བ
iiif viewer powered by OpenSeadragon
