| e-texts navigator |
| Wylie |
70a1 རྒྱུད་ལས། གཞི་ཤེས་པའི་སྤྱོད་པ་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་ཀུན་རིག་རྒྱལ་པོ་ཡིས།། འདུས་པའི་འཁོར་ལ་བཀའ་སྩལ་པ།། བློ་དངོས་སྤྱོད་པ་བསྟན་པའི་ཕྱིར།། གཞི
70a2 ཉིད་དེ་ལྟར་རྟོགས་པ་ལ།། སྣང་བ་ངེས་མེད་སེམས་ལ་རྒྱུ།། དེ་རྒྱུ་ཙམ་ན་ཆོས་སྐུ་ཡིན།། དེ་ལྟར་ཟག་ཆོད་ངེས་པ་ཡིས།། བསྒོམ་དང་མ་བསྒོམས་རང་སར་གྲོལ།། གང་ཡང་ཆོས་སྐུ་གྱུར་པ་ལས།། བློ་དང་དངོས
70a3 པོའི་དབྱེར་མེད་ཕྱིར།། ནམ་མཁའི་གཞའ་ཚོན་མ་ངེས་རྫོགས།། བློ་དང་སྣང་བ་དངོས་པོ་ཆོས།། སེམས་ཀྱི་དྲན་པ་ཅི་སྣང་ཡང་།། དངོས་མེད་རིག་པ་ཆོས་སྐུར་གསལ།། བསྒོམ་དང་མི་བསྒོམ་ཐ་སྙད་བྲལ།། དེ་ཕྱིར
70a4 བློ་དངོས་ཡེ་ཤེས་ཤར།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། བློ་དངོས་ཡེ་ཤེས་རང་ཤར་གྱི་སྤྱོད་པ་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་འདུས་པའི་ཚོགས
70a5 རྣམས་ལ།། བརྟུལ་ཞུགས་མཆོག་སྤྱོད་བཀའ་སྩལ་པ།། ལྟ་བ་ལ་ནི་བཟླ་བའི་ཕྱིར།། སྤྱོད་པ་རྩིང་མོ་ཆེད་དུ་དགོས།། ངེས་མི་འཆིང་བའི་གདམས་ངག་ཡོད།། དེ་ཕྱིར་རང་གྲོལ་རྟོགས་པ་གཅེས།། དེ་ཡང་འདུས
70a6 པའི་སྙིང་པོ་ཉོན།། ངེས་ལུང་བསྟན་པའི་རྣལ་འབྱོར་པས།། མ་དང་སྲིང་མོ་ཀུན་ཀྱང་སྤྱད།། གཞན་གྱིས་བུད་མེད་སྨོས་ཅི་དགོས།། སེམས་ཅན་མནར་ཅིང་བསད་གྱུར་ཀྱང་།། དགེ་འདུན་མཆོད་རྟེན་དཀོར་འཕྲོག
iiif viewer powered by OpenSeadragon
