| e-texts navigator |
| Wylie |
6a1 ལ་བག་ཆགས་ཡོད།། དེ་ཡང་འདུས་པའི་སྙིང་པོ་ཡིད་ཀྱིས་ཉོན།། ཐ་མ་གར་འགྲོ་དུས་ལ་ངེས་མེད་རྐྱེན།། ཡེ་ཤེས་ཕྲད་ནམ་རིག་བག་ཆགས་བརླག། དེ་མེད་བག་ཆགས་དག་པའི་ཐབས་མེད
6a2 དེ།། ཉི་མའི་སྣང་མེད་མུན་པ་མི་འབྲོས་འདྲ།། ངོ་བོ་རྫུན་ལ་ཐོག་མར་བདེན་བཟུང་ནས།། རྟོག་རྟོག་ཞེན་ཞེན་བློ་བརྟས་རྒྱུད་ལ་གནས།། དེ་ལྟར་ཐ་མར་བག་ཆགས་རྒྱུན་མི་འཆད།། དེ་ཕྱིར་འཁོར་བ་འབའ
6a3 ཞིག་ཡང་ཡང་སྐྱེ།། མཚན་ཉིད་གཅིག་གིས་གཅིག་བསྐྱེད་ཡོངས་སུ་འགྱུར།། དེ་ཡི་འབྲས་བུ་རིམ་དང་སོ་སོར་སྨིན།། རྒྱུ་རྐྱེན་ཚོགས་དང་ཡེ་ཤེས་མཉེན་པོས་འཇིག། བཟང་ངན་ཆེ་ཆུང་ཅི་འདྲ་དེ་ལྟར་བརྟེན།། དེ
6a4 ཡང་རྡོ་རྗེ་སེམས་དཔའ་ཡིད་ཀྱིས་ཉོན།། བག་ཆགས་ཀུན་གྱི་གཞི་ནི་རྟོག་པ་སྟེ།། ངེས་ཚིག་རྟོག་རྒྱུན་ཤིན་ཏུ་ཆ་ཕྲ་སྟེ།། བག་ཙམ་ལ་བརྟེན་རྟོག་པ་རགས་བརྟས་པས།། བག་ཆགས་ཀུན་གཞི་སྣང་བ་ཡུལ་དུ
6a5 འབྱུང་།། ལས་ནི་འབྲས་བུ་གང་རུང་སྨིན་པར་བྱེད།། དེ་ཡང་ཐོག་མར་བཅས་དང་ཐོག་མ་མེད།། གང་སྨིན་ཕྲ་རགས་ཟིལ་གནོན་བག་ཆགས་ཆུང་།། ལུང་དུ་མ་བསྟན་འབྲས་བུ་སྨིན་མི་ནུས།། དེ་དཔེ་ནམ་མཁའ
6a6 སྤྲིན་དང་ས་ཞག་སྣུམ།། གཡའ་རྡུལ་ལྦུ་བ་ལ་སོགས་བག་ཆགས་དཔེར།། འདྲ་བ་ཡོད་ཀྱང་དོན་མིན་མཚོན་པར་ཟད།། གློ་བུར་འབྱུང་ཕྱིར་ཡུལ་ནི་གཞི་ལ་མེད།། ད་ཡང་འདུས་པའི་འཁོར་རྣམས་ཡིད་ཀྱིས
iiif viewer powered by OpenSeadragon
