| e-texts navigator |
| Wylie |
69b1 མི་འཛིན་ལྟ་བ་ལ།། རིག་པ་རྒྱ་ཡན་ཆོས་སྐུར་གསལ།། ཡིད་ཆེས་གདེང་གིས་ཟིན་པ་ལ།། ཉམས་དང་ལྡན་པའི་ཚད་ཅེས་གསུངས།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། ཡེ་ཤེས
69b2 རང་ཤར་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཀུན་རིག་ཆོས་རྗེ་ཡིས།། ཐ་མལ་རྣམ་རྟོག་མི་གོས་པའི།། ལ་བཟློའི་སྤྱོད་པ་བཀའ་སྩལ་པ།། གཞི་ཤེས་བློ་དངོས་གཅིག་པ་དང་།། བརྟུལ
69b3 ཞུགས་མཆོག་དང་གེགས་མེད་པའི།། ལ་བཟློའི་སྤྱོད་པ་བཀའ་སྩལ་པ།། གཞི་ཤེས་རང་ཤར་སྤྱོད་པའི་དུས།། ལུང་ལྡན་ངེས་པའི་གདམས་ངག་གིས།། ཡུལ་མེད་ཆོས་སྐུར་ངོས་ཟིན་པས།། ལུས་ངག་བྱར་མེད
69b4 བརྗེད་པ་ཡི།། གཞན་དུ་འཛིན་མེད་རང་རིག་སྐུ།། སྔ་ཕྱིས་མ་བསླད་མ་བཅོས་ཤིང་།། འདུ་འབྲལ་མེད་པའི་ཡེ་ཤེས་ནི།། སུས་ཀྱང་མ་བྱས་རང་བྱུང་སྟེ།། གཞི་ཉིད་ཤེས་པས་ནམ་མཁའ་འདྲ།། དེ་ཡང་འདུས་པའི
69b5 སྙིང་པོ་ཉོན།། ཆོས་སྐུའི་རིག་པ་འགྲོ་འོང་མེད།། རྟག་ཆད་མཐའ་ཡི་སྒྲོ་སྐུར་བྲལ།། རང་གི་སྤྱོད་པ་གང་སྤྱོད་ཀྱང་།། ཆོས་ཀྱི་སྐུ་ལས་མ་རྟོགས་པ།། རྡུལ་ཙམ་གཞན་ན་ཡོད་མི་སྲིད།། དེ་ཕྱིར་ཤེས་པ་རང་ཡན
69b6 ལ།། ལྷག་མཐོང་དྲན་པའི་གདེང་གིས་ཟིན།། ཡེངས་དང་མ་ཡེངས་མེད་པར་ནི།། བལྟ་བའི་གདེང་འབྲལ་མེད་པའི་ཕྱིར།། ཆོས་སྐུ་གཞི་ཞེས་སྤྱོད་པ་ཡིན།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི
iiif viewer powered by OpenSeadragon
