| e-texts navigator |
| Wylie |
69a1 ཕྱིར།། སྒྲོ་སྐུར་བྲལ་བའི་ཤེས་པ་ལ།། ཆོས་ཀྱི་སྐུ་ཞེས་དེ་ལ་བྱ།། དེ་ཡང་རྡོ་རྗེ་སེམས་དཔའ་ཉོན།། དང་པོ་བ་ཡིས་དད་ལྡན་ལ།། དངོས་པོའི་ཡུལ་ལ་བརྟེན་ཏེ་བསྟན།། སྣང་བ་མི་འགོག་ཐབས་ཡིན
69a2 ཏེ།། དེ་རྟེན་ཡུལ་དང་འབྲེལ་མེད་ཤེས།། དེ་ཚོར་བདེ་བ་འཇམ་དང་ཞིམ།། དགའ་བ་ཉམས་སུ་མྱོང་བའི་ཕྱིར།། ཡུལ་མེད་ཉམས་སུ་མྱོང་ཚད་ནི།། མན་ངག་ལུང་ནི་ཆོས་སྐུར་ཤེས།། དེ་ཕྱིར་ཡེ་ཤེས་རང་ཤར
69a3 ཡིན།། དེ་ཡང་འདུས་པའི་སྙིང་པོ་ཉོན།། ཚོར་བ་མི་བདེ་སྡུག་བསྔལ་ཡང་།། ན་ཚ་མི་ཞིམ་རྩུབ་པ་དང་།། མི་དགའ་ལ་སོགས་ཅི་བྱུང་ཚེ།། ལུང་ལྡན་རིན་ཆེན་རྐྱེན་གྱིས་ནི།། ཆོས་སྐུར་ཉམས་སུ་མྱོང་བའི
69a4 ཕྱིར།། ཡུལ་དང་གནས་སྐབས་མཐར་ཟུག་གི།། འབྲེལ་པ་མེད་ཤེས་ཉམས་ཀྱི་ཚད།། དེ་ཡང་འདུས་པའི་སྙིང་པོ་ཉོན།། ཡུལ་འདི་རིག་མེད་འཁྲུལ་པར་ཤེས།། འདུས་བྱས་ཡིན་ཕྱིར་ཆོས་སྐུ་མེད།། སྡུག་བསྔལ་ཚོར
69a5 བ་གང་བྱུང་ཡང་།། དེ་དུས་རྟག་ཆད་མཐར་མ་ལྟུང་།། བྱིང་རྒོད་གཉིས་ཀྱི་རྐྱེན་མ་གོས།། དེ་ཕྱིར་ཆོས་སྐུ་བསྒོམ་མི་དགོས།། དེ་ཡང་རྡོ་རྗེ་སེམས་དཔའ་ཉོན།། ཡུལ་གྱི་དྲན་རྟོག་ཅི་བྱུང་ཡང་།། གང་ཕྱིར་ཆོས་སྐུ
69a6 ཉམས་སུ་མྱོང་།། ཡང་དྲུག་ཉམས་དང་འབྲེལ་མེད་ཤེས།། རྟོགས་ཐབས་རྣམ་པ་དགུར་ནི་བརྟེན།། རྐྱེན་ཐུབ་གང་དྲག་ལྷག་མཐོང་ལ།། རྐྱེན་ཐུབ་དྲུག་ཏུ་དབྱེ་མི་དགོས།། དེ་ཡང་འདུས་པའི་སྙིང་པོ་ཉོན།། མཐའ་རུ
iiif viewer powered by OpenSeadragon
