| e-texts navigator |
| Wylie |
68b1 རྟེན་སངས་རྒྱས་འབྱུང་བའི་རྟགས།། དེ་མེད་གཟུགས་སྐུ་འཇིག་རྟེན་དུ།། སེམས་ཅན་ལུས་དང་མ་བྲལ་བར།། གཟུགས་སྐུའི་ཡོན་ཏན་འབྱུང་འདོད་པ།། མུ་སྟེགས་ཀ་ཏ་རི་བ་ཟེར།། མ་རིག་རྨོངས་པ་སྙིང་རེ
68b2 རྗེ།། མནར་མེད་དམྱལ་བ་ཆེན་པོར་འགྱུར།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། ལུས་དང་མ་བྲལ་བར་གཟུགས་སྐུ་མི་འབྱུང་བར་བསྟན་པའི་ལེའུ་སྟེ་བཅུ་པའོ།། །། དེ་ནས
68b3 རྡོ་རྗེ་སེམས་དཔའ་ཡིས།། རང་རིག་ཆོས་སྐུ་ལ་བཟླའི་ཕྱིར།། ཀུན་རིག་ཆོས་ཀྱི་རྒྱལ་པོ་ལ།། བདེན་པའི་དོན་གྱིས་འདི་སྐད་གསོལ།། མ་བསྒོམས་དོན་དང་མི་འབྲལ་བའི།། ཡེ་ཤེས་རང་ཤར་མན་ངག་གང་།། ཐ
68b4 མལ་རྣམ་རྟོག་མི་གོས་པའི།། རང་ཤར་སྤྱོད་པ་ཇི་ལྟར་སྤྱོད།། མཉམ་པའི་རྒྱལ་པོས་བཤད་དུ་གསོལ།། དེ་སྐད་གསོལ་པའི་དོན་གསན་ནས།། མ་བསྒོམས་འབྲལ་བ་མེད་པ་ཡིས།། ཡེ་ཤེས་རང་ཤར་ངེས་པའི
68b5 དོན།། ཀུན་རིག་སྟོན་པས་བཀའ་སྩལ་པ།། དངོས་པོ་མ་འཁྲུལ་རིག་པ་ལ།། ཚོར་བ་བདེ་སྡུག་ཅི་བྱུང་ཡང་།། ལུང་ལྡན་རིན་ཆེན་རྐྱེན་གྱིས་ཀྱང་།། དེ་ཉིད་ཆོས་སྐུར་ཉམས་སུ་མྱོང་།། དེ་ཡང་རྡོ་རྗེ་སེམས་དཔའ
68b6 ཉོན།། ཡུལ་གྱི་རྣམ་པ་གང་བྱུང་ཡང་།། དངོས་པོ་མ་འཁྲུལ་རིག་པ་ཡིས།། དོན་གྱིས་ཟིན་པའི་ཡེ་ཤེས་ཏེ།། ཆོས་ཉིད་ཡང་དག་གནས་ལུགས་ཡིན།། དེ་ཉིད་ལུང་ལྡན་སྒྲོན་མ་ཡིས།། མ་རིག་མུན་པ་མེད་པའི
iiif viewer powered by OpenSeadragon
