| e-texts navigator |
| Wylie |
67b1 ཕྱིར།། ནམ་སྲོས་ཉི་མ་མི་འཆར་འདྲ།། དེ་ཡང་འདུས་པའི་སྙིང་པོ་ཉོན།། ལན་ཅིག་དུས་ཀྱི་དེང་སང་ནི།། ལུང་མེད་རྨོངས་པའི་ང་རྒྱལ་ཅན།། དཔྱད་བཟོ་རིག་པ་བྱེད་པ་ཀུན།། གཟུགས་སྐུ་ད་ལྟ་ངོ་སྤྲོད་ཡོད།། ཁ
67b2 ཚབ་རྫུན་ཚིག་སྨྲ་བ་ལ།། རྨོངས་པ་བདེན་པར་འཛིན་པ་འབྱུང་།། ད་ཡང་འདུས་པའི་སྙིང་པོ་ཉོན།། མ་རིག་རྫུན་དེ་སུན་འདོན་ཕྱིར།། ད་ལྟ་མངལ་གྱིས་བསྒྲིབས་གཡོགས་པས།། ལོངས་སྐུ་དང་ནི་སྦྲུལ
67b3 པའི་སྐུ།། བཞུགས་ཚུལ་སྒྲོན་མའི་དཔེ་མཚོན་ཀྱང་།། ད་ལྟ་རང་ལ་འབྱུང་མི་སྲིད།། ཁྱུང་སྒོང་མ་ཆག་འཕུར་མི་ནུས།། དེ་ཕྱིར་གཟུགས་སྐུའི་གཟུགས་བརྙན་དེ།། རིས་སུ་བྲིས་དང་ལུགས་སུ་བླུགས།། འབུར་དུ
67b4 བརྐོས་པ་ལ་སོགས་པའི།། གཟུགས་སྐུའི་ལྷ་རུ་བྱུང་བ་ཡང་།། དངོས་སུ་སྤྲད་དུ་མི་འདོད་པས།། དེ་ཕྱིར་དྲང་དོན་ལྡེམ་དགོངས་སུ།། ཁྲོ་བོ་བསྒོམ་པའི་ལྷ་ཚོགས་བསྟན།། དེ་ཡང་འདུས་པའི་སྙིང་པོ་ཉོན།། སྔོན་བྱུང
67b5 གཟུགས་སྐུ་བྱུང་བ་ཡང་།། རང་རྒྱུད་ལུས་ཅན་མ་ཡིན་ཏེ།། རྒྱུད་དག་སྤྲུལ་པ་གཞི་གཅིག་ལས།། སངས་རྒྱས་བྱང་ཆུབ་སེམས་དཔའ་ཡིན།། ཆགས་སྡང་ལྔ་དང་བཅས་པའི་ཡིད།། ཐ་མལ་རང་ལུས་སེམས་འདི
67b6 ལ།། གཟུགས་སྐུ་ད་ལྟར་འབྱུང་མི་སྲིད།། ནམ་མ་ལངས་པར་ཉི་མི་འཆར།། ད་ཡང་རྡོ་རྗེ་སེམས་དཔའ་ཉོན།། ད་ལྟ་གཟུགས་སྐུ་སྤྲད་འདོད་ན།། མཚན་དང་དཔེ་བྱད་མ་ལུས་ཀུན།། རང་གི་ལུས་ལ་ཚང་དགོས
iiif viewer powered by OpenSeadragon
