| e-texts navigator |
| Wylie |
67a1 ཕྱིར།། སྣང་བ་མེད་པའི་ཡེ་ཤེས་ནི།། གོལ་མེད་ཆོས་དབྱིངས་ནམ་མཁའ་འདྲ།། ངང་གིས་གསལ་བའི་ཡེ་ཤེས་ཀྱིས།། ཚོགས་དྲུག་བཀག་པའི་འགོག་པ་དང་།། ལུས་མེད་མེད་པའི་ལྷ་རྒྱུ་ནི།། གོལ་ས
67a2 ཀ་ནས་མེད་པའི་ཕྱིར།། རིན་ཆེན་འོད་འདྲ་འཆར་ནུབ་མེད།། དེ་ཡང་རྡོ་རྗེ་སེམས་དཔའ་ཉོན།། ཡེ་ཤེས་གཉུག་མར་གནས་པ་ཡིས།། དབུ་མ་སེམས་ཙམ་ཐུན་བསྒོམ་དང་།། ཐབས་ཀྱི་རྩ་དང་ཐིག་ལེ
67a3 སོགས།། འབྱུང་འཇུག་ཅན་གྱི་གོལ་ས་མེད།། བསྐྱེད་རིམ་ཀུན་གཞི་ལ་སོགས་པ།། ཞི་ཁྲོའི་ལྷ་རུ་བསྒོམ་པ་དང་།། འཕེལ་འགྲིབ་ཅན་གྱི་གོལ་ས་མེད།། དེ་ཕྱིར་རྒྱུན་དུ་འབྲལ་མེད་ཡིན།། དེ་ཡང་འདུས་པའི་སྙིང་པོ
67a4 ཉོན།། གཏན་ལ་འབེབས་པའི་ཡིད་ཀྱིས་ནི།། ལྷག་མཐོང་རིག་པ་རྟོགས་ཙམ་ན།། དམིགས་འཛིན་མེད་པར་ངང་གིས་གསལ།། གཉུག་མར་གནས་དང་འཕེལ་འགྲིབ་མེད།། ད་ལྟའི་ཤེས་པ་འདི་ཉིད་ལ།། རང་རིག
67a5 ཆོས་སྐུ་གཅིག་ཏུ་འདུས།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། ཆོས་ཀྱི་སྐུའི་བསྒོམ་པ་ངོས་བཟུང་བའི་ལེའུ་སྟེ་དགུ་པའོ།། ། དེ་ནས་འདུས་པའི་ཚོགས་རྣམས་ལ།། ཀུན
67a6 རིག་སྟོན་པ་ཆོས་རྗེ་ཡིས།། རྣམ་སྨིན་ལུས་དང་བཅས་འདུས་འདིར།། གཟུགས་སྐུ་མི་འབྱུང་བཀའ་སྩལ་པ།། ལྷ་མིན་མངལ་གྱི་སྒྲིབ་པ་འདྲ།། གཟུགས་སྐུ་ངོ་སྤྲོད་མི་འདོད་དོ།། ཆེ་བའི་ཡོན་ཏན་མི་འབྱུང
iiif viewer powered by OpenSeadragon
