| e-texts navigator |
| Wylie |
66b1 པ་བྱེད་པ་ནི།། བློ་དངོས་གཉིས་ཀ་འཁྲུལ་པའི་ཕྱིར།། མེད་པ་ལ་ནི་ཡོད་བརྟག་པ།། རི་བོང་རྭ་ལ་རྟོག་དཔྱོད་འདྲ།། དེ་ཡང་འཁོར་གྱི་སྙིང་པོ་ཉོན།། སྐྱེ་བོ་ཐ་མལ་ཤེས་པ་ཡང་།། བྱ་བ་མ་འཁྲུལ་གང་བྱེད
66b2 ཀྱང་།། བློ་དངོས་མ་འཁྲུལ་ཆོས་ཉིད་མེད།། ལུང་ལྡན་གདམས་ངག་མེད་པའི་ཕྱིར།། གཞི་ཉིད་མ་ཤེས་མ་རིག་ཡོད།། ཟླ་བ་དཀར་ཀྱང་མུན་ཡོད་འདྲ།། དེ་ཡང་འདུས་པའི་སྙིང་པོ་ཉོན།། དེ་དག་རྩ་བ་མདོར་བསྡུ
66b3 ན།། འཁྲུལ་པ་ཟུང་བཞི་ཡ་བདུན་དག། སྣང་བ་མེད་པར་མ་ཤེས་ཕྱིར།། སྒྲོ་སྐུར་ཞེན་པས་རང་བསླུས་ཏེ།། གདམས་ངག་མེད་ཕྱིར་ཆོས་སྐུ་མིན།། དེ་ཕྱིར་གྲུབ་མཐས་བློ་མ་བསྒྱུར།། རྫོགས་པ་ཆེན་པོ་ཡེ་ཤེས
66b4 འཁོར་ལོ་གསང་བ་ཐུགས་ཀྱི་རྒྱུད་ལས། སྔ་ཕྱིའི་རྟོག་པ་འཁྲུལ་པ་བསྟན་པའི་ལེའུ་སྟེ་བརྒྱད་པའོ།། །། དེ་ནས་འདུས་པའི་ཚོགས་རྣམས་ལ།། ཆོས་སྐུ་ངོ་སྤྲོད་དོན་གསུངས་པ།། སྔ་ཕྱིའི་རྟོགས
66b5 གསུམ་བྲལ་བ་ཡིས།། རང་རིག་ཆོས་སྐུའི་ཡེ་ཤེས་ནི།། འཁྲུལ་མེད་ད་ལྟའི་ཤེས་པ་ལ།། ཐ་མལ་ལུས་ལ་རྟེན་བཅས་པའི།། ཤེས་པ་མ་བསྒྲིབས་གསལ་བ་འདི།། རང་བྱུང་ཆོས་སྐུ་དག་པའོ།། དེ་ལ་མ་རིག་མུན་པ
66b6 མེད།། ད་ཡང་འདུས་པའི་སྙིང་པོ་ཉོན།། དེ་ལ་ཡོན་ཏན་བཞི་ལྡན་པས།། དམ་ཚིག་འཛིན་པའི་ཡེ་ཤེས་ཀྱིས།། སྐྱེ་བོ་མུ་སྟེགས་ཡུལ་འདི་ལ།། ང་དང་བདག་ཏུ་རང་རྒྱུད་བྱེད།། ཞེན་པའི་གཉིས་འཛིན་མེད་པའི
iiif viewer powered by OpenSeadragon
