| e-texts navigator |
| Wylie |
66a1 དཀྱིལ་འཁོར་མུན་མེད་བཞིན།། དེ་ཕྱིར་ཡེ་ཤེས་ཟང་ཐལ་ཉིད།། དེ་ཡང་འདུས་པའི་འཁོར་རྣམས་ཉོན།། འཁྲུལ་གཞི་ལུང་མ་བསྟན་ལ་སོགས།། ཤན་ཕྱེའི་སྐབས་སུ་ངས་བཤད་ཀྱིས།། ལ་ཟློའི་དུས
66a2 སུ་ངས་མ་གསུངས།། ཕྱི་རབས་རྣལ་འབྱོར་དེ་བཞིན་ནོ།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། གཞི་གསུམ་འབྲེལ་པ་ཡོད་མེད་བསྟན་པའི་ལེའུ་སྟེ་བདུན་པའོ།། །། དེ་ནས
66a3 ཀུན་རིག་སྟོན་པ་ཡིས།། ཀུན་གཞི་སེམས་ཀྱི་མུན་གསེབ་ནས།། འཁྲུལ་དང་མ་འཁྲུལ་བཀའ་སྩལ་པ།། འཁྲུལ་པ་རྣམ་བཞི་དབྱེ་བའི་ཕྱིར།། གསུམ་འབྲེལ་བཞི་ལྡན་གོལ་བ་མེད།། དེ་ཕྱིར་ཆོས་སྐུ་གཞི་དང
66a4 གཅིག། དེ་ཡང་འདུས་པའི་སྙིང་པོ་ཉོན།། འཁྲུལ་དང་མ་འཁྲུལ་ཤན་ཕྱེད་པས།། ཐོག་མ་ཉིད་ནས་བསགས་པ་ཡི།། སྔར་གྱི་བག་ཆགས་བཟང་ངན་ནི།། དུས་དང་གནས་སྐབས་འགྱུར་བའི་ཕྱིར།། ཤེས་པ་མ
66a5 འཁྲུལ་དངོས་པོ་འཁྲུལ།། ཞེན་པ་བརྟས་ཕྱིར་བག་ཆགས་ཏེ།། མི་ཤི་ཁ་དོག་དྲན་པ་འདྲ།། དེ་ཡང་འདུས་པའི་སྙིང་པོ་ཉོན།། ཆགས་སྡང་འབྱུང་བའི་རྒྱུར་གྱུར་པའི།། ཕྱིས་ཀྱི་ཉོན་མོངས་སྐྱེ་བ་ཡང་།། དགའ་དང་མི
66a6 དགའ་ལ་སོགས་པའི།། གློ་བུར་རྐྱེན་གྱིས་འབྱུང་བའི་ཕྱིར།། དངོས་པོ་མ་འཁྲུལ་ཤེས་པ་འཁྲུལ།། ཟག་པ་སྦྲུལ་དུ་འཛིན་པ་འདྲ།། དེ་ཡང་འཁོར་གྱི་སེམས་དཔའ་ཉོན།། སྣང་བ་གཞི་ལ་མེད་པ་ལ།། སྤང་སྡུད་ཞེན
iiif viewer powered by OpenSeadragon
