| e-texts navigator |
| Wylie |
65b1 ཡོད་མེད་ངས་བཤད་ཀྱིས།། དེ་གསུམ་ཡོད་མེད་གཅིག་ཏུ་རྟོགས།། འཁོར་འདས་གཞི་ཡི་རང་བཞིན་ལུས།། འཁོར་གཞི་ཤེས་པ་ལུང་མ་བསྟན།། གནས་སྐབས་འབྲེལ་ཡོད་མཐར་ཐུག་མེད།། གནས་སྐབས་འབྲེལ
65b2 པ་ཡོད་པ་ནི།། ལུང་མ་བསྟན་པ་རྣམ་གསུམ་ལ།། རང་བཞིན་ལུས་ཀྱིས་ཁྱབ་པའི་ཕྱིར།། དེ་ཡང་འདུས་པའི་སྙིང་པོ་ཉོན།། མཐར་ཐུག་འབྲེལ་པ་མེད་པ་ནི།། ཤེས་གཞི་ལུང་མ་བསྟན་པ་ལ།། ཡིད་སྒྲིབ་ཡོད་ཕྱིར
65b3 མོས་གུས་མེད།། བྱིན་རླབས་རྟོགས་དང་ལུང་ལྡན་གྱིས།། བསྟན་ཐབས་མེད་ཕྱིར་འཁོར་བའི་རྒྱུ།། དེས་བསྐྱེད་འཁོར་བ་འབའ་ཞིག་ཡིན།། དེ་ཕྱིར་མཐར་ཐུག་འབྲེལ་པ་མེད།། མུན་དང་ཉི་མ་དུས་མི་མཚུངས།། མ
65b4 རིག་ཡེ་ཤེས་དེ་བཞིན་ནོ།། དེ་ཡང་འདུས་པའི་སྙིང་པོ་ཉོན།། འཁོར་འདས་གཞི་ཡི་རང་བཞིན་ལུས།། མྱང་འདས་ཀུན་བཟང་གཞི་དང་ནི།། མཐར་ཐུག་འབྲེལ་ཡོད་གནས་སྐབས་མེད།། མཐར་ཐུག་འབྲེལ་པ་ཡོད
65b5 པ་ནི།། ལན་ཅིག་སྐྱེ་ཤི་བར་དོ་ལ།། ལུང་བསྟན་གདམས་ངག་ཕྲད་སྲིད་ན།། མོས་གུས་དང་བས་རྟོགས་འགྱུར་ཚེ།། ལུང་མ་བསྟན་པ་དག་ཅིང་སྟོང་།། མཐར་ཐུག་ཡེ་ཤེས་འབྲེལ་པ་ཡོད།། ནམ་ལངས་ཉི་མ་ཤར་བ
65b6 འདྲ།། དེ་ཡང་འདུས་པའི་སྙིང་པོ་ཉོན།། མྱང་འདས་ཀུན་བཟང་གཞི་དང་ནི།། འཁོར་གཞི་ལུང་མ་བསྟན་པ་གཉིས།། ལྷན་ཅིག་མི་གནས་འགལ་བའི་ཕྱིར།། གནས་སྐབས་མཐར་ཐུག་འབྲེལ་པ་མེད།། ཉི་མའི
iiif viewer powered by OpenSeadragon
